نوه الإعلامي عمرو أديب، عن ملف الاتصالات المزعجة من بعض الشركات التي تعمل في مجال التسويق العقاري والتي تسعى لبيع الوحدات السكنية عبر مكالمات الهاتف المحمول.
وقال الإعلامي عمرو أديب، خلال تقديم برنامج "الحكاية"، عبر فضائية "mbc مصر": "عايز اتكلم مع حضرتكوا في حكاية مهمة، لأن غالبية دول العالم معندهاش الكلام ده، ومبيحصلش فيها الكلام ده، وهي حكاية بهدلتنا، وهي بتاعت اتصالات العقارات".
وأضاف: "أنت في اليوم بيتم استهدافك على الأقل بـ50 إلى 60 مكالمة، كل مكالمة منهم بترن 3 أو 4 مرات، في حد باعنا، باع أرقامنا، وهما عارفين بيكلموا مين، لأنه بيقولك مساء الخير يا أستاذ عمرو، هو عارف بيكلم مين، النمر دي حد باعها".
وتابع: "أنا عايز أسأل سؤال هو هذا الأمر يستقيم، يعني ينفع نتباع كده؟ حتقولي وده مزعج في ايه، هقولك أنه مزعج لأنه مثلا النهارده وامبارح وأول امبارح كلمني مجموعة من الأطباء وهيتجننوا".
واستكمل: "الدكتور بيقولي يا عمرو أن مضطر أرد على كل التليفونات لأنه ممكن يكون في طوارئ أو حاجة، وأنتوا عارفين الفخ بيعمل إزاي، متسائلا عن جهاز تنظيم الاتصالات من هذا الأمر، بعدين هو اللي هيشتري فيلا بملايين ده بيشتريها على التليفون!".
وأكد: "الأرقام دي اتباعت بفلوس لأنه واخد النمرة باسمي وهو عارف هو بيكلم مين، وبيتم تقسيم الأرقام حسب الشرائح المجتمعية"، مطالبًا الجهاز القومي لتنظيم الاتصالات بالتدخل لحل الأزمة بعد انتشاره بشكل سيء.
تابع موقع اجرى نيوز عبر تطبيق (جوجل نيوز) اضغط هــــــــنا
اجرى نيوز ، موقع إخباري يقدم أهم الأحداث المحلية والعربية والعالمية وخدمات صحفية محترفة فى الأخبار والاقتصاد والزراعة والعلوم والفنون والرياضة والمنوعات ، وهدفنا أن نصل لقرائنا الأعزاء بالخبر الأدق بما يليق بقواعد وقيم الأسرة المصرية.
لذلك نقدم لكم مجموعة كبيرة من الأخبار المتنوعة داخل الأقسام التالية، اخبار مصر ، اخبار الزراعة، صناعة الدواجن ، الثروة الحيوانية، بنوك واقتصاد ،اجرى لايف ،مقالات ،منوعات، وخدمات مثل سعر الدولار، سعر الذهب، سعر الفضة، سعر اليورو، سعر العملات الأجنبية، سعر العملات المحلية.
