علق الإعلامي عمرو أديب على الجدل المثار على مواقع التواصل الاجتماعي بشأن قطع الأشجار التاريخية والنادرة بحديقة الأورمان.

طلب أديب، في تعليق خلال برنامجه "الحكاية" ، عبر قناة «mbcمصر ، الاثنين، من الحكومة الخروج على الرأي العام وكشف تفاصيل تطوير حديقتي الحيوان والأورمان، لقطع الطريق على الشائعات التي تخرج من وقت إلى آخر.


وأضاف:" ممكن تقولولنا الخطة استباقيا  ليه مفيش المعلومة الاستباقية، ده أفضل ما الناس تصحى الصبح تقول إيه اللي بيحصل والحديقة بتنتهي وهذا الكلام، وقولي ناوي تعمل إيه؟ وتطور إيه؟»

وتابع «أديب»: «أرجو مستوى التطوير ميبقاش زي مستوى تطوير حديقة الأسماك، أرجو ماتبقاش أكشاك سندويشات، ممكن يبقى في فود كورت (ساحة مأكولات)، لكن وأرجو لا يتم ملء المكان ببوتيكات، وحد بيبع حاجات، اللي يبيع مربى واللي يبيع عسل أبيض، مينفعش، الحديقتين دول لهم هيبة ولهم تاريخ، كل شجرة من دول أقدم من دول».