قال المهندس إبراهيم أبو مسعد المسؤول الفني لمشاتل أبناء خليفة، نبدأ بعمل الخلطات ثم تعبئتها في الصواني استعداداً للزرع ثم ريها ووضعها في الصوب، وبعد تمام الإنبات يتم نقلها للأرض المستديمة لمدة 4 أيام ثم يتم تسليمها للمزارع .

مدة خروج الشتلة من 40 لـــ45 يوم

وأضاف إبراهيم أبو مسعد، في تصريحات لموقع "اجرى نيوز" تتراوح مدة خروج الشتلة من 40 لـــ45 يوم، يتم الري ووضع العناصر بنسب محددة للوصول لمستوى معين في طول العود، ننصح المزارعين في البداية بوضع المنشط حتى التأكد من ثبات الشتلة في الأرض ثم رش المبيدات المناسبة للظروف الجوية. 

المشاتل مهد البذور

من المعروف ان المشاتل هي مهد البذور اللي بتقضي فيها البادرات فترة حياتها الأولى قبل متتنقل للحقل المستديم بعد فترة من الزمن، وللمشاتل أهمية كبيرة لأنها بتخلق جو يساعد في تكاثر بذور الخضر لزراعتها وإنتاجها بشكل سليم ... وعشان كدا فريق برنامج الثمرة معاكم النهاردة في زيارة لواحد من المشاتل الرائدة في إنتاج شتلات الخضر واللي بيمثل همزة الوصل بين شركات البذور العالمية والفلاح في أرضه ... مشاتل أولاد خليفة اللي قدرت تكسب ثقة عملاءها لمصداقيتهم والجودة العالية لشتلاتهم لأنهم بيشتغلوا على أصناف كتير وبيسعوا دايماً للتطوير لتحقيق أعلى إنتاجيات ومش بس كدا ده كمان بيتابعوا عملاءهم باستمرار ويقدموا ليهم الدعم الفني والإرشاد من بداية زراعة البذور ولحد الحصاد ومحاولتهم دايما لطرح الشتلات بأفضل الأسعار قدر المستطاع كل ده بشهادة وكلاء الشركات اللي بيتعاملوا معاهم وكمان المزارعين اللي بيأكدوا على الإنتاجية العالية اللي بتتحقق من أصناف الشتلات اللي بتنتجها مشاتل أبناء خليفة وده لأن شعارهم دايماً العمل على التطوير للحفاظ على المنافسة .