حالة من الاستياء سادت بين الفلاحين والعاملين في قطاع المجال الزراعى، على السوشيال ميديا خلال الـ24 ساعة الماضية، حول استعانة عدد من الشركات المختصة فى بيع منتجات أسمدة وكيماويات ومبيدات زراعية منها شركة "بريدج تريد"  و"سيماداك" بمودلز  وفرق  رقص  استعراضية لترويج منتجاتهم خاصةً فى المعارض الزراعية، مما دعا المهتمين بالشأن الزراعى لمقاطعة منتجاتهم معربين عن استيائهم الشديد، ومؤكدين أن بيع المنتجات الزراعية للشركات سواء الاسمدة والكيماويات المسجلة بشكل سليم لا تحتاج إلى دعاية من هذا الشكل، مؤكدون: "احنا الوسط بتاعنا زراعي وعملائنا ناس فلاحين وأصوليين وحتي المهندسين اغلبنا من بيئات محافظة وأهلنا فلاحين او بسطاء لا حد مننا من الفنانين ولا من لاعيبة الكورة ولا الوسط المنفتح بشكل عام".

وفي سياقٍ متصل جاءت تعليقات المهتمين بالشأن الزراعى؛ كالتالي: 

فجاءت إحدي التعليقات كالتالي: "زمايلنا اللي زاروا معرض اسكندرية بيشتكوا من استخدام الشركات للفتيات المتبرجات لجذب العملاء والزائرين, طبعًا هذا المشهد انا شهدته من قبل في أكثر من معرض للأسف؛ طب احنا الوسط بتاعنا زراعي و عملائنا ناس فلاحين  وأصوليين وحتي المهندسين اغلبنا من بيئات محافظة وأهلنا فلاحين او بسطاء, لا حد مننا من الفنانين ولا من لاعيبة الكورة ولا الوسط المنفتح بشكل عام, انتوا جايبين متبرجات لمين وليه"

وأكد أحد المهتمين بالشأن الزراعي مُعربًا عن استياءه "ماعندكش المنتج الزراعي اللي يجذب الزوار ما تشاركش؛ لكن جايب عنصر نسوي تعمل بيه جذب يبقي انت عذراً يعني ماعندكش اللي تبيعه غير كرامتك وياريت الناس ما تستهونش و تاخد الأمر بهزار ويقولوا كلام سفيه".
 


كما أضاف آخر "محدش يقدر يقول في حق الشركه المنظمه للمعرض و مديرها حاجه هوا راجل ناجح و محترم واشهد له بذلك، هوا بيأجر مساحه لكل شركه تعرض منتجاتها كيفما تشاء، وانا عارف انه بيتحرى منتجات الشركات مسجلة او لا وبيرفض اي شركه عندها بضاعه مضروبة, ويمكن اللي حصل يخليه يعيد حساباته مع الشركه اياها ويرفض يخليه ينزل تاني في المعارض بتاعته".




وأكد آخر عن استيائه مُعلقًا: "انا بقالى فتره مروحتش معارض والمعرض دا روحت اول يوم ساعه واحده وروحت وكان فى شركات جايبين بنات حرفيا الله يسترها علينا كلنا ويهدى الجميع بس المنظر مكنش كويس خالص وكان واضح جدا انهم بيلفتوا نظر الناس من منظرهم وشكلهم الغريب, ودا عمرى متوقعت اشوفه فالمجال الزراعى؛ كل الشركات أو أغلبهم بيشغلوا بنات مهندسات أو بنات فالاستقبال عادى مفيش مشكله ومش عيب ولا حرام لكن مش بالمنظر اللى بعض الشركات كانت عاملاه دا, ولو حضرتك اتكلمت عن شركه معينه ونزلت صورها؛ ففى شركه تانيه مكنتش الطف حاجه بجد وكل شركه وكل صاحب مال عموما حر فشغله احنا مش حكام على حد ربنا يهدينا جميعا".

 

 

 

 

 

 

 

 

 

 

 

تابع موقع اجرى نيوز   على صفحة "الفيس بوك "  اضغط هــــــــنا
تابع موقع اجرى نيوز   عبر تطبيق "جوجل نيوز"       اضغط هــــــــنا


تابع موقع اجرى نيوز   على "اليوتيوب" اضغط هــــــــنا
تابع موقع اجرى نيوز  على " واتس اب"  اضغط هــــــــنا
تابع موقع اجرى نيوز  على     " X "         اضغط هــــــــنا
تابع موقع اجرى نيوز  على "إنستجرام"  اضغط هــــــــنا

اجرى نيوز ، موقع إخباري  يقدم أهم الأحداث المحلية والعربية والعالمية وخدمات صحفية محترفة فى الأخبار والاقتصاد والزراعة والعلوم والفنون والرياضة والمنوعات، وهدفنا أن نصل لقرائنا الأعزاء بالخبر الأدق بما يليق بقواعد وقيم الأسرة المصرية.

لذلك نقدم لكم مجموعة كبيرة من الأخبار المتنوعة داخل الأقسام التالية، اخبار مصر، اخبار الزراعة، صناعة الدواجن، الثروة الحيوانية، بنوك  واقتصاد، اجرى لايف، مقالات، منوعات، وخدمات مثل سعر الدولار، سعر الذهب، سعر الفضة، سعر اليورو، سعر العملات الأجنبية، سعر العملات المحلية.