بداية صيف حار، اكدت وزارة الزراعة أن هناك علامات توضح أن الكتكوت مصاب بالجفاف ، ينشر موقع "اجرى نيوز " الاخبارى ، معلومات عن اهم علامات كتاكيت الفراخ البلدى والدواجن التسمين المصابة بالجفاف ، من واقع تقارير بحوث الإنتاج الداجنى بمعهد بحوث الإنتاج الحيوانى بوزارة الزراعة .
طب ازاى تتعرف بقى على كتكوت فى حالة الجفاف
وجود ارجل ناشفه وحراشيفها باينه ورفيعه ولونها مش برتقالى فسفورى
بطن القدم ناشف ومكرمش
المنقار بهتان ومبيض فتحة الانف والاذن متسعين وكبار
هتلاقى الجفاف مدخلك فى مشاكل اكبر :
النقرس وبيبتدى يضربلك نص الكليه او تلتها والكتكوت عند سيادتك لسه مكملش يومين انت متخيل هتكمل بيه باقى الدوره ازاى
وفيه كمان النقرس الحشوى وده بقى بتبتدى يعملك نافق
وكمان بيسرع استفحال السالمونيلا والاى كولاى واكتساحهم لكيس المح ومتنساش معاك المايكوبلازما الكائن الانتهازى .
حاجه كمان لازم تاخد بالك منها
ظهور الزغب بتاع الريش بتاع الجناح دلاله على ان الكتكوت بره الحضانه لمده اكتر من ٢٤ساعه يعنى كتكوت بايت
فيه قاعده مهمه لازم تعرفها
كلما زاد معدل التريش قل معدل التحويل وعشان كده لما تدخل عنبر فى اول العمر او منتصفه وتلاقى الريش هابب فيه اعرف ان العنبر ده منتكس وفيه مشاكل كتير.
تابع موقع اجرى نيوز عبر تطبيق (جوجل نيوز) اضغط هــــــــنا
اجرى نيوز ، موقع إخباري يقدم أهم الأحداث المحلية والعربية والعالمية وخدمات صحفية محترفة فى الأخبار والاقتصاد والزراعة والعلوم والفنون والرياضة والمنوعات، وهدفنا أن نصل لقرائنا الأعزاء بالخبر الأدق بما يليق بقواعد وقيم الأسرة المصرية.
لذلك نقدم لكم مجموعة كبيرة من الأخبار المتنوعة داخل الأقسام التالية، اخبار مصر ، اخبار الزراعة ، صناعة الدواجن ،الثروة الحيوانية، بنوك واقتصاد ،اجرى لايف ،مقالات ،منوعات، وخدمات مثل سعر الدولار، سعر الذهب، سعر الفضة، سعر اليورو، سعر العملات الأجنبية، سعر العملات المحلية.
