قال الرئيس عبدالفتاح السيسي، إن حرب 67 و73 وحتى الحرب الأخيرة اللي قعدنا فيها 10 سنين "محاربة الإرهاب" اللي هي كنا بنجابه فيها فكر منحرف متطرف استباح دمنا ومستقبلنا، أنه يخرب بلدنا زي ما دول كتير اتخربت وزى ما دول كتير راحت وكان متصور انه ممكن يعمل كده، وبرضه بإخلاص ودماء ابناءنا سواء اللي استشهدوا او اللي أصيبوا، بكرر الكلام ده كتير علشان يبقا دايما فاكرين ومننساش انه فيه تمن اتدفع في البلد دي علشان تستمر وعلشان تبقا آمنة وتستمر، واللى اتعمل في رقابتنا كلنا والحفاظ عليها، والعمل أنها تطور وتطلع لقدام، ده ضريبة لازم ندفعها كلنا"، وإننا نواجه تحديات ومشاكل لها آثار وتأثير علينا .

وأكد الرئيس عبد الفتاح السيسي، إن الوضع داخل الدولة المصرية في تحسن، متابعا: "أنا بتكلم أن الأمور بدأت بفضل الله سبحانه وتعالي تتحسن.. بقول الكلام ده علشان اسجل موقفي أنا ليكم كلكم.. أنا ما غامرتش بيكم.. وما اخدتش قرار اضيع فيه مصر.. ولا أنا ولا الحكومة.. ما كنشي فيه مغامرة.. لا علشان خاطر هوي أو فاهم خاطئ أو تقدير منقوص.. فخدنا قرار ودخلنكم في الحيط وضعينا مصر.

وأضاف الرئيس السيسي، خلال كلمته في الندوة التثقيفية الـ 39 للقوات المسلحة بمناسبة يوم الشهيد: "خلي بالكم.. إحنا مش فسدة وخدنا أموالكم وضيعناها بفساد أو بدلع.. لا محصلشي.. كل حاجة اتعملت على أرض مصر أي حد يشوفها.. الكلام ده مهم وده تسجيل من إنسان انتوا اخترتوا وقالتوا تعالي تولي المسئولية.. وأنا قولت لكم "تعالوا نتولى المسئولية".