ايه اللي بيحصل في سوق الأجهزة الكهربائية الأيام دي وهل في انخفاض وركود في السوق زي ما بيقول التجار ولا هترجع ترتفع تاني، وإيه هو أفضل وقت للشراء..؟؟
دلوقتي، أسعار الأجهزة الكهربائية مستقرة، فنقدر نقول إنها الوحيدة اللي ماتأثرتش لحد دلوقتي بزيادة أسعار البنزين والسولار اللي أقرتها وزارة البترول والثروة المعدنية من أسبوعين.
والوضع ده، معناه إن سوق الأجهزة الكهربائية بيشهد حالة من الركود بنسبة تصل إلى 50% زي ما قال التجار، نتيجة زيادة الأسعار على خلفية ارتفاع سعر الدولار من سنة 2022، بجانب إن المواطنين بيدوا الأولوية للسلع الغذائية والاستهلاكية وكمان موسم المدارس والدروس.
وقبل أسبوعين بالظبط، قررت لجنة تسعير المنتجات البترولية، رفع أسعار البنزين والسولار للمرة الثالثة السنة دي، وده حصل لتقليل الفجوة بين أسعار المنتجات البترولية وتكاليفها الإنتاجية، زي ما قالت وزارة البترول.
ونقدر نقول أن انعكاس ده على أسعار الأجهزة الكهربائية ولا حاجة، عشان كده سجلت أسعار الأجهزة زي تلاجة ديفروست يونيون إير، باب واحد، 280 لتر، ب10.699 جنيه، والتلاجة دي فروست ألاسكا، 289 لتر: 10.999 جنيه.
أما أسعار المراوح، فاستقرت هي كمان عشان تسجل من 700 جنيه إلى 2500، وأسعار المكاوي من 600 جنيه لحد 3000 جنيه.
أما المكانس الكهربائية، فسعر مكنسة سبايدر فريش، 1500 وات، 3.5 لتر: 2.579 جنيه، ومكنسة كينوود، 2200 وات، 3.5 لتر، 2 فلتر تنقية ب 8.000 جنيه.
تيجي للتكييفات، فسجلت أسعار التكييفات بقوة 2.25 حصان متوسط بين 29600 و47250 جنيه، أما تكييف ال 1.5 حصان فقيمته بتتراوح بين 20650 و28545 جنيه.
والبوتاجازات، زي بوتاجاز تكنوجاز، 4 شعلة غاز، 60 سم: 6.390 جنيه، أما بوتاجاز الأهرام، 5 شعلة فسجل 5.199 جنيه، وبوتاجاز آي كوك برو سمارت يونيون أير، 5 شعلة، 60×90 سم: 11.499 جنيه.
آخر حاجة الشاشات الكهربائية، فسعر شاشة تورنيدو 32 بوصة: 9.000 جنيه.
ولو أنت ناوي على جواز أو تفرش شقتك، فانزل بسرعة اشتري أجهزتك الكهربائية قبل ما الأسعار تعلى تاني.
وأخيرا قبل ما تشتري، هنقولك شوية نصايح خلي بالك منها، أولها إنك لازم تفحص السلعة أو الجهاز كويس عند الاستلام، وتتأكد من كفاءة عملها، ووجود كل المواصفات المتفق عليها، وماتنساش تجربتها.
وحاول تعمل مقارنة لسعر السلعة ومواصفاتها باللي زيها الموجود في السوق واختار الأفضل وفقًا للميزانية بتاعتك، وماتنساش تشتري من مكان مضمون وموثوق، وتاخد فاتورة ضريبة مختومة عشان تضمن حقك وتفوت على أي حد فرصة إنه ينصب عليك.
تابع موقع اجرى نيوز على صفحة "الفيس بوك " اضغط هــــــــنا
تابع موقع اجرى نيوز عبر تطبيق "جوجل نيوز" اضغط هــــــــنا
تابع موقع اجرى نيوز على "اليوتيوب" اضغط هــــــــنا
تابع موقع اجرى نيوز على " واتس اب" اضغط هــــــــنا
تابع موقع اجرى نيوز على " X " اضغط هــــــــنا
تابع موقع اجرى نيوز على "إنستجرام" اضغط هــــــــنا
اجرى نيوز ، موقع إخباري يقدم أهم الأحداث المحلية والعربية والعالمية وخدمات صحفية محترفة فى الأخبار والاقتصاد والزراعة والعلوم والفنون والرياضة والمنوعات، وهدفنا أن نصل لقرائنا الأعزاء بالخبر الأدق بما يليق بقواعد وقيم الأسرة المصرية.
لذلك نقدم لكم مجموعة كبيرة من الأخبار المتنوعة داخل الأقسام التالية، اخبار مصر، اخبار الزراعة، صناعة الدواجن، الثروة الحيوانية، بنوك واقتصاد، اجرى لايف، مقالات، منوعات، وخدمات مثل سعر الدولار، سعر الذهب، سعر الفضة، سعر اليورو، سعر العملات الأجنبية، سعر العملات المحلية.
