في ظل ارتفاع الأسعار، بتدور كتير من الأمهات على طرق اقتصادية لتحضير الحاجات الأساسية في البيت، ومن بينها الطحينة اللي تعتبر من المقبلات المحببة على السفرة المصرية، سواء مع المشاوي أو السلطات.

دلوقتي تقدري تعملي الطحينة الخام في البيت بكل سهولة وبتكاليف بسيطة، وبنفس الطعم اللي بتحبيه.

المكونات:

كوب سمسم أبيض نيئ

نصف كوب زيت ذرة

كوب دقيق أبيض

ملعقة صغيرة ملح

طريقة التحضير:

حمّصي السمسم في طاسة على نار هادئة لحد ما لونه يصفر، وسيبيه يبرد.
اطحنيه في الكبة لحد ما يبقى ناعم، وبعدها ضيفي الدقيق وقلبيهم.
شغلي الكبة تاني وضيفي الزيت تدريجيًا مع رشة الملح، وكمّلي خلط لحد ما توصلي للقوام اللي بتحبيه.
احفظيها في برطمان زجاجي محكم في التلاجة.. وهتكون دايمًا جاهزة على طول