لو بتحبي المكرونة الكريمي والجبنة، الوصفة دي هتكون إدمان بالنسبة لك  سهلة وسريعة، مكوناتها بسيطة، ومذاقها خرافي جاهزة في أقل من 10 دقايقجربيها مرة وهتكرريها كتير، لأنها معشوقة الكبار قبل الصغار.

المكونات:

كيس مكرونة (400 جم)

2 ملعقة كبيرة زيت

2 ملعقة كبيرة دقيق

1 ملعقة صغيرة زبدة

2 كوب حليب (بارد وكامل الدسم)

1 كوب كريمة (أو علبة قشطة أو حليب إضافي)

1 كوب جبنة شيدر مبشورة (أساسي للوصفة)

½ كوب جبنة كريمية أو أي نوع جبنة تذوب (اختياري)

½ ملعقة صغيرة بابريكا

½ ملعقة صغيرة ثوم بودر

1 ملعقة صغيرة فلفل أبيض (أو أسود حسب الرغبة)

ملح حسب الذوق

1 ملعقة كبيرة مرقة دجاج بودرة (اختياري)

½ كوب حليب إضافي (حسب الحاجة لتخفيف القوام)

طريقة التحضير:
سلق المكرونة:

في ماء مغلي ومملح، اسلقي المكرونة 5 دقائق فقط وارفعيها.

تحضير الصوص الأبيض:

في طاسة على نار هادئة، ضيفي الزيت + الزبدة.

لما يسخنوا، نضيف الدقيق ونقلب كويس لحد ما يبدأ يغير لونه ويبكبك شوية.

ننزل بالحليب البارد بالتدريج مع التقليب المستمر (علشان ميكلكعش).

نضيف الكريمة أو القشطة ونقلب.

نضيف الجبن الشيدر والجبن الكريمي، ونقلب لحد ما تذوب تمامًا.

نكّه الصوص:

نضيف البابريكا، الثوم البودر، الفلفل الأبيض، الملح، ومرقة الدجاج.

لو الصوص تقل، نخففه بشوية حليب سخن.

إضافة المكرونة:

نضيف المكرونة المسلوقة على الصوص وهي سخنة ونقلبها كويس لحد ما تتغلف بالصوص تمامًا.

ممكن نديها دقيقة على النار الهادية علشان تتجانس النكهات.

التقديم:

قدميها سخنة، وممكن تزيينيها برشة جبنة زيادة أو بابريكا للون وطعم أحلى.

ملاحظات:

نوع الجبنة الأساسي هو الشيدر، لكن ممكن تبدليه حسب ذوقك.

الكريمة ممكن تستبدليها بلبن أو قشطة.

الحليب لازم يكون بارد في البداية علشان ميكلكعش الصوص.

الصوص ده ينفع كمان للرز، أو كصوص جانبي للبطاطس والمقبلات.