لو بتدوري على وصفة كيكة سهلة، سريعة، ومضمونة من غير أي فشل، جربي الكيكة اليومية اللي هتعمليها في الخلاط في أقل من 5 دقايق الوصفة دي مش بس بسيطة، لكن كمان بتطلع دايمًا هشة، مرتفعة، ولونها موحد من غير ما تهبط أو تتشقق, كل مكوناتها موجودة في البيت، وطريقتها تنفع لأي حد حتى لو أول مرة يخبز هتكون الكيكة الأساسية عندك طول الأسبوع  خفيفة، طرية، وطعمها يجنن.

المكونات:

¾ كوب زيت (أو زبدة سايحة أو خليط من الاتنين)

1 ¼ كوب سكر (عادي مش بودرة)

3 بيضات

1 ملعقة كبيرة فانيليا

1 ملعقة كبيرة خل أبيض

1 كوب لبن دافئ

2 ½ كوب دقيق أبيض

2 ملعقة كبيرة نشا

½ ملعقة صغيرة ملح

1 باكيت بيكنج بودر (أو 1 ½ ملعقة كبيرة)

ملاحظة: إذا كان القوام تقيل ممكن تضيفي 2  3 ملاعق لبن إضافية.

طريقة التحضير:

في الخلاط: اضربي الزيت مع السكر لمدة دقيقة لحد ما الخليط يفتح لونه.

أضيفي البيض، الفانيليا، والخل، واخفقيهم كويس لحد ما السكر يدوب تمامًا.

ضيفي اللبن الدافئ، واستمري في الخفق 2-3 دقايق لحد ما القوام يبقى ناعم ولونه فاتح.

في وعاء منفصل، انخلي الدقيق، النشا، الملح، والبيكنج بودر.

اخلطي المكونات الجافة مع السائلة بالتدريج، وقلبيهم كويس جدًا.

لو لقيتي القوام تقيل جدًا، زودي شوية لبن لحد ما يبقى سميك لكن مش تقيل بزيادة.

صبي الخليط في صينية مقاس 24 مدهونة كويس بالزيت أو الزبدة، خصوصًا الأطراف.

سخني الفرن على درجة حرارة 170 – 175.

حطي الصينية في صينية أكبر فيها شوية مياه سخنة (لحد نص الصينية الصغيرة)، ودخليها الفرن على الرف الأوسط.

مدة الخبز: 40 – 45 دقيقة أو لحد ما تخرجي عود خشب نضيف من النص.

بعد ما تستوي، سيبيها تبرد شوية جوا الفرن، وبعدها طلعيها وغطّيها بفويل خفيف لو حابة.