فطيرة التفاح من الحلويات المفضلة عند كتير من الناس، خصوصًا الأطفال، واللي بيميزها هو طعم التفاح المكرمل مع القرفة وسط عجينة هشة ومقرمشة من الأطراف , وعلى الرغم من إنها وصفة غربية، لكنها بقت من الحلويات الأساسية في مطاعم وكافيهات كتير، وكمان مناسبة للإفطار أو التحلية في أي وقت.

دلوقتي تقدر كل أم تحضّر فطيرة تفاح بيتي في مطبخها بخطوات سهلة وبمكونات بسيطة متوفرة، والنتيجة هتعجب كل أفراد الأسرة

مكونات الحشوة:

8 أكواب من شرائح التفاح المسلوقة

ثلث كوب سكر بني

ثلث كوب سكر أبيض

ملعقة كبيرة نشا

ملعقة صغيرة قرفة

ربع ملعقة جوزة الطيب

ربع ملعقة ملح

ملعقتان كبيرتان سمن

طريقة التحضير:
سخّني الفرن على درجة حرارة 220.

في بولة صغيرة، اخلطي السكر البني، القرفة، جوزة الطيب، والملح.

ضيفي الخليط على شرائح التفاح وقلبيهم كويس، وسيبيهم 10 دقايق علشان التفاح ينزل السوائل.

لتحضير العجينة:

المكونات:

4 أكواب دقيق

كوب زبدة طرية

ملعقة ونصف بيكنج بودر

ملعقة فانيليا

كوب سكر أبيض

ماء دافئ للعجن

الطريقة:

اخلطي المكونات الجافة، وضيفي الماء واعجني لحد ما تبقى العجينة متماسكة.

قسمي العجينة نصفين.

افردي أول نص في صينية مدهونة بالزبدة.

ضيفي حشوة التفاح ووزعيها بالتساوي.

افردي الجزء التاني على شكل شرائط رفيعة ووزعيها فوق الحشوة بشكل شبكي، أو غطيها بالكامل واعملي فتحة تهوية في النص.

دخّليها الفرن لمدة 35 دقيقة، لحد ما تاخد لون دهبي وتستوي كويس.