بتعشقي ورق العنب وتحبّي تحتفظي به طازة طول السنة؟ لو كده، هقولك على سر بسيط وسهل يخليك تستمتعي بورق عنب لذيذ ومتماسك زي الفريش، مهما كانت الفترة اللي مرّت, كلنا بنحب ناكل ورق عنب في الموسم، لكن المشكلة دايمًا في الحفاظ عليه بعد ما يخلص الموسم. النهاردة هقولك على أفضل طريقة لتخزين ورق العنب بدون ما يتأثر طعمه أو جودته، وده كله مع طريقة مبتكرة تحافظ عليه وتخليه زي ما هو لفترة طويلة. 

أول حاجة، لما تجيبي ورق العنب، لازم تختاري الورق الطازة تأكدي إن الورق يكون لونه أخضر، مش ناشف ولا محروق، وحواف الورقة تكون ناعمة. لو الورق فيه نوعيات مختلفة، اختاري اللي ورقته ناعمة وما فيهاش حواف ناشفة أو محروقة، كده هتضمني أحسن ورق.

لو لقيتي ورق فيه "بواقي" أو منعكش، خليكي بعيد عنه لأنه مش هيكون كويس. خليكي مع الورق النظيف والمتماسك علشان تطلعي نتيجة حلوة.

الفرز والترتيب:

دلوقتي، هتبدأي تفرزي الورق. قصي العود اللي في نص كل ورقة، وابتدي رتبيهم حسب الحجم: الورق الكبير حطيه فوق بعضه، والمتوسط فوق المتوسط، والصغير (البيبي) حطيه فوق بعضه برضه. الورق الصغير ده حلو علشان تملئي بيه الفراغات عندك في الحلة، وده هيدي طعم حلو.

التخزين:

بعد ما تفرزي الورق، هتحتاجي رول استرتش علشان تحافظي عليه بشكل جيد. لو مش عندك استرتش، اشتريه من أي ماركت قريب، لأنه هيساعدك تخزني الورق بطريقة صحيحة.

طريقة اللف:

افردي رول الاسترتش على الرخامة، وابتدي حطي شوية ورق عنب فوق بعضهم. لفّيهم كويس وحاولي تضغطي عليهم عشان ما يدخلش هوا أو ثلج، ده هيخلي الورق محفوظ من غير ما يتأثر.

التقسيم والتخزين النهائي:

لو عندك كمية كبيرة زي 5 كيلو، قسمّيهم لجزء صغير علشان تستخدميهم على مراحل, بعد ما تلفيهم كويس، حطيهم في الفريزر لما تحبي تستخدميهم، طلعيهم، وسيبيهم يفكوا تمامًا، وبعد كده اغسليهم كويس تحت المية، وديهم سلق بسيط مع شوية ملح وليمون، وبعد كده حشيهم وابتدي استمتعي.