أ
أ
الكنافة من أشهر الحلويات الشرقية اللي الناس بتحبها جدًا، خصوصًا في رمضان، وبيبقى فيها تنوع كبير في طرق الحشو زي القشطة، المكسرات، أو الجبن، لكن لو ضفنا لها التمر، هتكون لها طعم غني وفوائد صحية كمان، ولأن التمر مليان ألياف وفيتامينات بتدي طاقة وبتساعد في الهضم.
هنا هنقولك أسهل طريقة لعمل الكنافة بالتمر والمهلبية، ومش هتتاخد منك وقت طويل هتطلع تحفة، على طريقة الشيف أميرة شنب.
المقادير:
- نصف كيلو كنافة طازة- نصف كوب سمن أو زبدة مذابة
- 2 كوب تمر منزوع النوى ومهروس
- نصف ملعقة صغيرة قرفة مطحونة (اختياري)
- نصف كوب مكسرات مجروشه (لوز، فستق، جوز)
- 1 كوب شربات (قطر) أو علبة حليب مكثف محلى.
طريقة التحضير:
- في طبق، اخلطي التمر المهروس مع القرفة والمكسرات لحد ما يتجانسوا.- افركي الكنافة بالسمن أو الزبدة كويس عشان تتشرب وتبقى طرية.
- حطي نصف الكنافة في صينية مدهونة بالسمن، وبعدها حطي خليط التمر بالتساوي، وبعدين غطيها بالنصف التاني من الكنافة واضغطي عليها شوية.
- دخلي الصينية الفرن المسخن على درجة 180 مئوية لمدة 25-30 دقيقة لحد ما تبقى لونها دهبي.
- بعد ما تخرج من الفرن، صبي الشربات البارد عليها أو حطي الحليب المكثف، وسيبيها تبرد شوية قبل ما تقدميها.
