- كوب دقيق
- كوب ماء
- 2 ملعقة كبيرة زبدة أو زيت
- 2 بيضة كبيرة
- نصف ملعقة صغيرة فانيليا
- رشة ملح
- رشة سكر
- زيت غزير للقلي

لتحضير الشربات:

- 2 كوب سكر
- كوب ماء
- عصير نصف ليمونة
- ملعقة صغيرة فانيليا (اختياري)

طريقة التحضير:

1- في حلة على النار، حطي الماء والسكر وقلبيهم لحد ما السكر يذوب تمامًا، سيبيهم يغلو لمدة 7 دقائق، بعد كده ضيفي عصير الليمون وسيبيهم يغلو دقيقتين تانيين.
بعد كده ارفعي الحلة من على النار وضيفي الفانيليا، وسيبي الشربات يبرد تمامًا.

2- في حلة تانية على نار متوسطة، حطي الماء والزبدة (أو الزيت) مع رشة ملح وسكر، وسيبيهم يغلو، بعد كده ضيفي الدقيق دفعة واحدة وقلبي بسرعة بملعقة خشب لحد ما العجينة تتماسك وما تلزقش في جوانب الحلة.
ارفعي العجينة من على النار وسيبيها تبرد شوية، بعدين ضيفي البيض واحدة واحدة، وقلبي كويس بعد كل بيضة لحد ما العجينة تبقى ناعمة ولامعة، وضيفي الفانيليا.

3- حطي العجينة في كيس حلواني فيه بلبلة فتحة نجمة، وسخني الزيت على نار متوسطة. اضغطي على الكيس وقطعي بلح الشام بالعرض بالطول اللي يعجبك باستخدام مقص مبلل بالزيت.
بعد كده حطيه في الزيت وقلبيه لحد ما ياخد لون ذهبي، بعد كده طلعيه وصفيه على ورق مطبخ.

4- لما تصفي بلح الشام من الزيت، حطيه فورًا في الشربات البارد واتركيه دقيقة لحد ما يشرب الطعم، بعد كده صفيه من الشربات وحطيه في طبق التقديم.