لو بتفكر تبدأ مشروع تربية البط، يبقى لازم تعرف تفاصيله من أول تكاثر البط لحد ما تبقى جاهزة للبيع تربية البط ممكن تكون فكرة مربحة لو اتبعت الخطوات الصح وعرفت إزاي تدير المزرعة بشكل جيد هنتكلم دلوقتي عن دورة حياة البط وأهم الخطوات اللي لازم تتبعها علشان يكون عندك مشروع ناجح.

دورة حياة البط:

كل حاجة بتبدأ من التكاثر بين ذكور البط والإناث، وبعد كده بيتم جمع البيض كل صباح علشان ما يتكسرش البيض بعد كده بيروح على المعمل، وبيدخل في ماكينات خاصة علشان يكمل دورة الفقس لمدة 28 يوم لحد ما يطلع الكتكوت.

مراحل الإنتاج:

البط بيبدأ يبيض بعد ما يكمل 5 شهور من عمره، وكل 100 بطة أنثى بيكون فيهم 17 ذكر علشان يكون فيه تجانس في الإنتاج. البطة تبيض لمدة 6 شهور وبعد كده بتتبع كدواجن، وده بيكون وقتها جاهز للبيع للتجار.

التغذية والتحصينات:

البط بيحتاج في فترة الإنتاج حوالي 200 جرام أعلاف في اليوم، وفي الأيام العادية بيأخذ حوالي 150 جرام وكمان مهم جدًا تديله التحصينات المناسبة علشان يكون عندك إنتاج عالي وصحي.

مزارع البط:

مزارع البط بتختلف حسب القدرة المالية لكل شخص في ناس بتعمل مزارع لبيض البط، وفي ناس تانية بتعملها لتسمين البط لو التكلفة كانت عالية هتكون النتائج أفضل، بس لازم تكون جاهز للاستثمار علشان تحقق عائد جيد.