لو بتحلمي بكبسة لذيذة وسهلة من غير تكلفة عالية، الشيف نجلاء الشرشابي قدمت لكِ الحل, دلوقتي تقدري تعملي كبسة بالفراخ في البيت بمكونات بسيطة وطعم ولا أروع، وكل ده بـ3 ملاعق زيت بس.

المقادير:

3 أكواب أرز بسمتي
دجاجة مقطعة
3 ملاعق زيت
2 عود قرفة
3 بصلات كبيرة شرائح
حبة ليمون مجفف
6 حبات حبهان
ملعقة بهار كبسة
3 قرنفل
كوب طماطم مفروم

الطريقة:

- سخني الزيت وقلبي البصل لحد ما يصفر، خدي نص الكمية واحتفظي بيها للتزيين.

- حمّري الفراخ في نفس الزيت لحد ما تاخد لون دهبي شهي.

- ضيفي نص البصل المحمر، الطماطم، القرفة، الحبهان، القرنفل، والليمون المجفف مع 4 أكواب ماء.

- بعد ما يستوي الفراخ، ضيفي بهارات الكبسة وسيبي الخليط يغلي شوية.

- اختمي بوضع الأرز وقلّبيه بهدوء، هدي النار واسيبيه لحد ما يستوي.

التقديم:

رصي الأرز في طبق التقديم، حطي فوقه الفراخ، وزيّني بالبصل المحمر والمكسرات لو تحبي، وهتلاقي نفسك قدام طبق كبسة ملكي ينافس أكبر المطاعم.

لو بتحبي تضيفي خضار للأكلة، جربي كبسة الفراخ بالخضار بنفس السهولة والطعم الرائع.

الطريقة:

شوّحي الفراخ مع البصل والثوم لحد ما تتحمر.

ضيفي الطماطم، معجون الطماطم، والتوابل، واغمري الدجاج بالماء لحد ما يستوي.

في حلة تانية، شوّحي الخضار (جزر، بازيلاء، فلفل) مع التوابل، وضيفي شوية مرقة.

بعد ما يستوي الدجاج، طلّعيه وحمّريه في الفرن 30 دقيقة لحد ما ياخد لون مقرمش.

اطبخي الأرز في نفس مرقة الفراخ عشان ياخد الطعم كله.

في طبق التقديم، حطي طبقة الأرز، رصي الدجاج، وزيّني بالخضار والمكسرات.

طبق كبسة فراخ بالخضار غني بالألوان والنكهات، يلمع على السفرة كأنه لوحة فنية، وسر الطعم الأصلي كله في التتبيلة.