عجينة الكوكيز الاحسن تستخدموا ميزان عشان تظبطوا المقادير بدات ب 125 جرام زبده سايحه في درجه حراره الغرفه اللي هي تلت كيلو ب اقل من الربع عشان عارف ان في ناس ,بتتلخبط عليهم حطيت 100 جرام سكر حوالي نص كوبايه وانا استخدمت سكر ابيض مش بني عوضت ده باني حطيت من معلقه كبيره لمعلق عسل اسود حسب عايزين اللون
في الاخر يبقى غامق قد ايه اللي هو دبس القصب للي مش من مصر وبدات اقلب كل ده في بعضه عشان الجو كان برد النهارده فالزب ما كانتش سايحه قوي والتقليب كان صعب شويه ممكن تحطوها في المايكرويف خمس ثواني مثلا بس كده تفك شويه لكن ما تسح المهم اني قلبتها
لحد حد ما السكر والعسل والزبده ساحوا في بعض وبقوا حاجه واحده متجانسه كده هنا حطيت عليهم بيضه كامله وطبعا مع البيضه حطيت نص معلقه صغيره فانيليا باودر وقلبت برده كل ده كويس جدا في بعضه لحد ما بقوا برده قوام متجانس كده الاحسن تقلبه لحد ما تحسوا السكر داب او شبه داب بس عارف انه صعب ذوبوه بايديكم فمش مشكله يذوب بالكامل
وهنا بقى حطيت الدقيق نخلت 200 جرام دقيق متعدد الاستخدامات اللي هو حوالي كوبايه وربع او اكث شويه والدقيق ده كنت مقلب فيه نص معلقه صغيره من البيكنج صودا اللي هو بيكربونات الصوديوم او البيكربوناتو وده غير البيكنج باودر البيكنج باودر حطيته برده بس حطيت منه اقل من ربع معلقه صغيره
المقادير:
125 جرام زبدة
100 جرام سكر
معلقة كبيرة لمعلقتين عسل اسود (دبس القصب)
بيضة
نص معلقة صغيرة فانيليا باودر
200 جرام دقيق
نص معلقة صغيرة بيكينج صودا (بيكاربوناتو)
ربع معلقة صغيرة بيكينج باودر
100 جرام تشوكليت تشيبس او بار شوكولاتة + زيادة للتزيين في الاخر
