لو بتحب الحلوى الشرقية و عايز تحضر حاجة مميزة تسحر ضيوفك وتخطف قلوب عيلتك، يبقى لازم تجرب تعمل "المتدلعة" في البيت, الحلوى اللي طلعت من قلب طنطا وبقت نجمة الحلويات، دلوقتي تقدر تحضرها بخطوات بسيطة وطعم أحلى من المحلات.

المقادير:
البسبوسة:

نصف كيلو دقيق سميد
نصف كيلو زبدة أو سمنة حسب الرغبة
كوب حليب
كوب سكر
2 ملعقة كبيرة جوز هند

الكنافة:

ربع كيلو كنافة مفروكة
ربع كوب سكر بودرة
نصف كوب زبدة مذابة

الشربات:

كوب ونصف سكر
كوب ونصف ماء
عصير نصف ليمونة

للتزيين:

كريم شانتيه مخفوق
مكسرات مجروشة
كراميل (حسب الرغبة)
شوكولاتة سائلة

طريقة التحضير:

تحضير الشربات:

في قدر على نار متوسطة، ضيف السكر والماء وعصير الليمون.
سيب المزيج يغلي لمدة 10 دقائق لحد ما القوام يتقل.
ارفع الشربات من على النار وسيبه يبرد تمامًا.

تحضير البسبوسة:

اخلط دقيق السميد مع السكر وجوز الهند كويس.
ضيف

الزبدة السايحة والحليب، وقلّب لحد ما الخليط يتجانس.
ادهن صينية الفرن بالزبدة أو السمنة، وافرد خليط البسبوسة فيها.
ادخل الصينية فرن ساخن على 180 درجة لحد ما لونها يبقى ذهبي.
لما تبرد، اسقِ البسبوسة بالشربات.

تحضير الكنافة:

فتّت الكنافة كويس وضيف عليها السكر البودرة والزبدة.
افرد الكنافة في صينية مدهونة بالسمنة.
ادخلها الفرن لحد ما تبقى ذهبية اللون.
اسقِ الكنافة بالشربات.

تركيب المتدلعة:

في طبق التقديم، حط طبقة من البسبوسة.
افرد عليها طبقة من الكريم شانتيه.
رش المكسرات حسب الرغبة.
ضيف طبقة من الكنافة.
اختم بكريمة، كراميل، وشوكولاتة سائلة للزينة.
وبكده تكون المتدلعة جاهزة للتقديم, جرب الوصفة واستمتع بطعم ولا أروع, وبالهنا والشفا.