البطاطس المهروسة من الأطباق المفضلة التي تقدم كوجبة غداء لذيذة ومفيدة، وتعتبر إضافة رائعة على المائدة، خاصة إذا كانت محضرة بتتبيله خاصة تضفي عليها طعمًا مميزًا،

وطريقة الشيف نادية السيد تعتبر واحدة من أفضل الطرق لتحضير البطاطس المهروسة بنكهات غنية ومتنوعة.

 إليكم طريقة تحضير البطاطس المهروسة بتتبيلة الشيف نادية السيد المميزة.

طريقة تحضير البطاطس المهروسة 
أولا: المقادير 

- ٣ حبات بطاطس كبيرة 
- معلقه كبيرة من ملح
- معلقة صغيرة فلفل اسود
- معلقه صغيرة بابريكا
- معلقة صغيرة توم بودر
- معلقه كبيرة كمون
- كاري
- كزبرة
- كركم

طريقة التحضير:

- حطي البطاطس في حلة فيها ميّة مغلية مع معلقة ملح كبيرة، وسيبيها على النار لحد ما تستوي تمامًا (حوالي 15-20 دقيقة).
- بعد ما البطاطس تستوي، صفيها من الميه، وبعدين اهرسيها كويس باستخدام هراسة البطاطس أو شوكة.
- في طبق صغير، اخلطي التوابل مع بعض: الفلفل الأسود، البابريكا، بودرة الثوم، الكمون، الكاري، الكزبرة، والكركم.
- ضيفي خليط التوابل ده على البطاطس المهروسة وامزجيها كويس لحد ما التوابل تتوزع بشكل متساوي.
- قدمي البطاطس المهروسة مع شوية زبدة أو زيت حسب ما تحبي. ممكن كمان تزيّنيها ببعض الأعشاب الطازة لو حابة.