لو نفسك في رز بسمتي زي المطاعم، يبقى لازم تجرب الوصفة دي اللي هتخليك شيف في بيتك, بمقادير مضبوطة وبهارات مميزة، هتحضر طبق أرز ولا أروع يناسب العزومات والولائم.

المقادير:

2 كوب أرز بسمتي أصفر
4 كوب ماء مغلي
1 مكعب زبدة
1 ملعقة كبيرة زيت ذرة
1 عود قرفة
3 ورقات لورا
3 حبات حبهان
1 ليمونة مجففة
1 ملعقة كبيرة كركم
1 ملعقة صغيرة زعفران بودرة
1 ملعقة صغيرة ملح
1 مكعب مرقة دجاج

طريقة التحضير:

اغسل الأرز البسمتي جيدًا وانقعه في الماء لمدة نصف ساعة.
سخّن الزبدة والزيت في وعاء على نار متوسطة.
أضف ورق اللورا، القرفة، الحبهان، والليمونة المجففة، وقلّبهم.
نزل بالأرز مع التقليب المستمر في الزبدة والبهارات حتى يتشوح كويس.
أضف مرقة الدجاج، الكركم، الزعفران، والملح، واخلط المكونات.
صب الماء المغلي على الأرز، وسيبه يغلي على نار عالية حتى يتشرب.
بعد ما يتشرب الماء، وطّي النار تمامًا لحد ما يستوي.
لو عايز تضيف لمسة المطاعم الحقيقية، جرب تحضير الأرز بالمكسرات.

المكونات الإضافية:

بصلة متوسطة مفرومة
جزر مبشور
طماطم مقطعة صغير
لوز وزبيب للتحمير

التحضير:

شوّح المكسرات في شوية زيت لحد ما تتحمر.
في نفس الوعاء، شوّح البصل والجزر المبشور لحد ما يذبلوا.
ضيف الطماطم، القرفة، الحبهان، الكمون، والملح.
بعد تشويح الخضار، ضيف الأرز وكمية الماء المناسبة.
لما يستوي الأرز، رش على الوجه الزبيب والجزر المبشور، وقدمه مع المكسرات المحمصة.
وبكده تكون جهّزت أرز بسمتي ولا أروع، هيبهر كل اللي يجربه.