الموجة الباردة أوشكت على الانتهاء، لكن قبل مغادرتها قررت أن تجمد الأجواء في معظم الأنحاء, الآن نحن في أبرد 3 ليالي على الإطلاق، مع ارتفاع تدريجي في حرارة النهار، وفروق حرارية كبيرة بين الليل والنهار, يرافق ذلك هبات رياح قوية، وأمطار متقطعة على شمال الدلتا وشمال سيناء، بالإضافة إلى ارتفاع الموج في خليج السويس والبحر الأحمر.

اوشكت الموجة على الانتهاء لكن قبل ما تغادر صممت تجمدنا معاها:

-أبرد 3 ليالي على الاطلاق.

- ارتفاع تدريجي في حرارة النهار.

- فرق حراري كبير بين الليل والنهار.

- هبات رياح قوية على معظم الانحاء.

- أمطار متقطعة على شمال الدلتا وشمال سيناء. 

- ارتفاع الموج في خليج السويس والبحر الأحمر.

يعني كلام هام وتأثيرات أهم وإجراءات مطلوبة.

يعني ركز معاي في الكلام الجاي:

1- ري القمح بحساب شديد حسب المحافظة ( الجدول في اخر المنشور), ولما تروي بعد الطرد يفضل تضيف ١٠ ك بوتاسيوم مع الري. 

2- معظم التغذية الفترة دي تكون أرضية عن طريق الجذور تسميد يعني مش رش ورقي ومش عشان هبات الرياح لكن عشان النبات معدل امتصاصه بيقل جداً فى الاجواء الباردة عن طريق المجموع الخضري.

3- معظم التغذية الفترة دي تكون أرضية عن طريق الجذور تسميد يعني مش رش ورقي ومش عشان هبات الرياح لكن عشان النبات معدل امتصاصه بيقل جداً فى الاجواء الباردة عن طريق المجموع الخضري.

4- عشان احسن معدل امتصاص الجذور للعناصر يبقى التسميد بتاعي يكون آخر النهار مش صباحاً عشان اضمن ان النبات هيمتص جزء آخر اليوم ويكمل الباقي تاني يوم صباحاً.

5- مركبات الفولفيك ونترات الماغنسيوم وعالي الفسفور اساس فى التسميد ( خليهم تسميده لوحدهم وسط الاسبوع ).

6- لو فى فترة التزهير والعقد او التحجيم وهتضيف بوتاسيوم فخليه فى صورة اسيتات بوتاسيوم او سترات بوتاسيوم افضل من السلفات والنترات فى فترة البرودة, بتكلم عن الفاكهة والخضر اللى بتزهر وتجمع.

7- متزعجشي نفسك برش المبيدات عمال على بطال البرودة الشديدة ليلاً بتوقف نشاط معظم الامراض الفطرية والبكتيرية وكمان الحشرات احياناً وبتضعف معدلات الفقس للاكاروسات والحلم وخلافه.

8- لكن على اخر الاسبوع هتحتاج ترش لان الجو هيبدأ يرفع تدريجياً ولو عندك بعض الاصابات هترشها قبل ما تتجدد تاني فى الدفا, والكلام ده لكل الفاكهة ( خاصة  المانجو عشان البياض والزيتون عشان دودة البراعم ), والخضر والقمح والفول والكتان والخرشوف والطبية العطرية خاصة الكمون واليانسون والشمر واوعي تنسى البصل والتوم عشان اللطعة قاعدة منتظرة الجو يرفع.

9- ممنوع منعاً باتاً تسيب الارض معزوقة اكتر من يوم واحد من انهاردة وحتى الخميس, لازم تروي مباشرة وتحط مركبات دعم الامتصاص اللى قلنا عليها والكلام ده للبطاطس الصيفي المتأخرة والخضر حديثة الشتل والفاصوليا وغيرها.

10- واوعي تنسى ابداً تأجيل زراعة العروة الجديدة (الفاصوليا الصيفي وعروة الصيفي المبكر للخضر واللب وغيرها, ننتظر اخر الأسبوع ده او بداية الاسبوع اللى جاي عشان باقي يوم على انكسار كبير في الحرارة وده هيأثر على معدلات للإنبات قبل انخفاض الحرارة.

ممنوع ري القمح حسب التالي:

يوم الاتنين ممنوع ري القمح في كل الجمهورية

يوم الثلاثاء ممنوع ري القمح في كفر الشيخ وبني سويف والفيوم, وممكن تروي في باقي المحافظات,

يوم الاربعاء ممنوع ري القمح في كفر الشيخ ودمياط والدقهلية واسكندرية واسماعيلية وبني سويف والفيوم والمنيا, وممكن تروي في باقي المحافظات.

يوم الخميس ممنوع ري القمح في كفر الشيخ ودمياط واسكندرية واسماعيلية وبني سويف والفيوم, وممكن تروي في باقي المحافظات.

يوم الجمعة ممنوع ري القمح في الشرقية والقليوبية واسيوط وسوهاج, وممكن تروي في باقي المحافظات.

دمتم طيبين وموسم خير وبركة عليكم جميعاً

الأستاذ الدكتور / محمد علي فهيم, رئيس مركز معلومات تغير المناخ.