بعد يوم من الصيام بنستنى اذان المغرب علشان نشرب ميه وبعدين نقعد على السفرة مش عارفين نبداء منين ولا ناكل ايه وبنقعد نفكر نعمل ايه عشان نحافظ على صحتنا او على الدايت بتعنا وسط كل الحجات دي.
خلينا نناقش ازاي نحافظ على صحتنا ومنتخنش في رمضان، بعد يوم طويل من قلة الاكل وقت الاكل ممكن تحس بنهم تجاه الاكل لو جيت تاكل مره واحده هتاكل بسرعه، دا هيخليك تاكل كميه اكبر حتى من الطبيعي بتاعك، عشان كدا بعد الفطار بتحس امتلاء مش الطبيعي بتاعك، بعد الوجبات العادية قبل رمضان.
عشان كدا لازم تقسم اكلك، خلينا نقول ان المغرب اذن ف هنبداء بتمر ناكل ٣ تمرات ونشرب ميه كنوع من تجهيز المعدة للأكل ونرفع مستوى السكر بشكل تدريجي وبطيء.
وبعدين نروح نصلي المغرب ونرجع للسفرة بقى، هنبداء بالشوربة عشان تدينا شوية إحساس بالشبع وتدفينا برضو في ظل ان رمضان السنه دي جي في الشتاء.
وبعدين نروح للسلطة، ندخل الالياف بكميات كويسة في معدتنا عشان الهضم، وهي حاجه قليلة السعرات جداً وبتملى المعادى وبتدينا كميات ضرورية من الفيتامينات والمعادن، وكمان بتساعد في تعويض السوائل،
وبعدين هنروح للبروتين هناكل البروتين بتعنا ثم ننتقل الي أنواع النشويات على الاكل واخر حاجه الحلويات بكميات معتدلة وسعتها هيكون اكلنا قبلها اللياف وبروتين ف مش هناكل فيهم بنهم.
دكتور محمود شادي- اخصائي العلاج الطبيعي والتغذية العلاجية - جامعة 6 أكتوبر
- دكتور علاج طبيعي في ريكوفري سيتي للعلاج الطبيعي.
- دكتور العلاج الطبيعي بالقصر العيني سابقا.
- عضو الجمعية المصرية لتطوير التعليم الطبي المستمر.
- مؤسس أكاديمية PTPA للتعليم والتدريب في مجال العلاج الطبيعي.
- مؤسس VEGAT للتغذية العلاجية.
