ارض خصبه خفيفه جيده الصرف والتهوئيه ذات نسبه املاح منخفضه ف التربه والمايه الفاصوليا تتحمل الملوحه الي 700 جزي ف المليون عشان تاخد منها انتاج كويس بعد ذالك هتشتغل معاك لكن الانتاج هيكون ضعيف 

المعاد المناسب لزراعه العروه الشتوي ،بتبداء الزراعه ونظرا لاستمرار الحراره العاليه فيما تبقي من شهر أغسطس ،  هتكون من اواخر شهر 8 الي اول شهر 10  ،  وبالنسبه للاصناف الكويسه ( جيزه 6 وجيزه11وجيزه13 ونبراسكا)

-تجهيز الارض وخدمه ما قبل الزراعه ، بالنسبه للخدمه اللي هتنزل هتكون عباره عن( للفدان ) ،  20 متر سباخ بلدي متحلل او ١٥ منر سير فراخ ،  ست شكاير  سوبر فوسفات محبب،  ١٠٠ كجم كبريت زراعي كفر الزيات  ،  ٢٥ كجم سلفات ماغنسيوم ، هيتم تقليب الخدمه دي مع بعضها وتنزليها علي الارضيه القديمه قبل الحرت . 


ثم تترك الارض تتشمس فتره والتخطيط ١٢ خط للقصبتين وبعد تمام  ،  بعد تمام التشميس هيتم ري الارض ريه كدابه(ريه الزراعه) ،  مع الريه الزراعه نفسها هنراعي سحب 5 كجم كبريتات نحاس ( جنزاره ) تشتغل علي مكافحه فطريات التربه معاك ومعاها ٧ لتر جاز الجاز هنا تاثيره هيكون علي الحفار والديدان القارضه وبيض الحشرات والغذارئ الموجوده ف التربه دي بالنسبه لريه للزراعه

تتم الزراعه بعد جفاف المايه وتكون التربه بتحتوي علي نسبه رطوبه معقوله بعد الري بحوالي (٣-٦) ايام كل ارض وعلي حسب  رش الاستومب لمنع انبات بذور الحشائش بمعدل ١لتر للفدان  ،  رش الاستومب ف الاراضي الغمر بيكون قبل رايه الزراعه.

يتم تغطيه التربه بالاستومب ثم الري بعد ذالك مش زي ما معظم الناس بتعمل انها بترش الاستومب بعد زراعه الفاصوليا نفسها وللاسف الاستومب مبيديش اي نتائج معاهم وكمان ممكن ياثر علي انبات البذور.
 

والسبب هنا ان ماده الاستومب ف الاساس هيا مادهبتاثر علي جدار بذور الحشائش و بتمنع انبات بذور الحشائش بمعني انك لما تيجي ترش الاستومب بعد زراعه الفاصوليا نفسها بيبقا خلاص بذور الحشائش نفسها اتحركت وانبتت بالتالي الاستومب ملهوش تاثير عليها معدل الاستخدام لتر / للفدان ،  ـكميه التقاوي 40-60 كيلو للفدان

التلقيح البكتيري للتقاوي (العقدين ) ، الاستخدام الصح ليها من خلال انك بتجيب مفرش وتحط عليه التقاوي بتاعتك وبتحضر محلول سكري بيكون عباره عن نص لتر مايه مع كميه كافيه من السكر ( كوبايه) هيتم اذابه السكر كويس ورش التقاوي كلها بالمحلول دا  ، وبعد كدا هيتم خلط العقدين هلي التقاوي بحيث يتم توزيع كل العقدين بكميات متساويه علي التقاوي بعتك  ، وتركها حتي تجف لساعه  وتتم الزراعه بعد ذالك ، ولكن الاهم انك تعمل الكلام دا ف مكان ضله.

ريه المحاياه ، الفاصوليا حساسه جدا لزياده الري والرطوبه الارضيه الزياده وعسان كدا ري الفاصوليا بيكون حامي وبحساب ، ولا تتم ريه المحاياه الا بعد تمام الانبات ٢١ يوم من الزراعه.

الدكتور  صادق الشيمى  أستاذ وقاية النباتات بمركز البحوث الزراعية



تابع موقع اجرى نيوز عبر تطبيق (جوجل نيوز) اضغط هــــــــنا

اجرى نيوز ، موقع إخباري  يقدم أهم الأحداث المحلية والعربية والعالمية وخدمات صحفية محترفة في الأخبار والاقتصاد والزراعة والعلوم والفنون والرياضة والمنوعات ، وهدفنا أن نصل لقرائنا الأعزاء بالخبر الأدق بما يليق بقواعد وقيم الأسرة المصرية.


لذلك نقدم لكم مجموعة كبيرة من الأخبار المتنوعة داخل الأقسام التالية، اخبار مصر، اخبار الزراعة،صناعة دواجن ، الثروة الحيوانية، بنوك واقتصاد، اجرى لايف، مقالات، منوعات،  وخدمات مثل سعر الدولار، سعر الذهب، سعر الفضة، سعر اليورو، سعر العملات الأجنبية، سعر العملات المحلية