البازلاء او البسلة او الجبانة او البازيللا ، قبل ما نقول طريقة الزراعة نقول للناس متزرعوهاش قبل يوم ١٥ / ١٠ عشان نضمن ان الجو هيكون مائل للبروده ومفيش موجات حر جديده عشان الحر بيقلل جدا من محصول البسله.

 خطوات الزراعة

-نجيب قرون البسله ونفصصها وناخد حبوب البسلة لان هي دي اللي بتتزرع  ولو عندنا بسله مجففة نقدر نجرب نزرعها ونشوف هتصلح للزراعه ولا لأ .

-نعقم حبوب البسلة قبل ما نزرعها من الامراض الفطرية اللي ممكن تكون عليها علشان نضمن انها متنزلش التربه وعليها امراض فطرية ممكن تسبب موت النبات بعد كده .


-بعد كده ننقع حبوب البسله في الماء لمدة ساعتين او ٣ ساعات قبل الزراعة ، والخطوه دي بتساعد حبوب البسله عالانبات ، وبتزود نسبة حدوث الانبات في حبوب البسله.

-البسله من النباتات اللي يفضل انها متتنقلش ، بتتزرع في مكانها النهائي من البدايه ... يعني الافضل متتعملش شتلات وتتنقل.
 
-بنزرع البسلة فالارض او فالاصيص وبين كل حباية بسلة والتانيه مسافه من ١٥ الي ٢٠ سم ، وعلي عمق عقلة صباع  ونحب هنا ننبه عالناس اللي هتزرع ف اصص ان خليط التربة بتاع الاصيص لازم يكون مثالي زي الخليط اللي قولنا عليه قبل كده.

-بعد ما بنحط البذور بتاعتنا عالمسافات السابق ذكرها بنردم عليهم ونسقي الاصيص سقيه غزيره .


-بنحافظ عالتربه رطبه ومتجفش لحد ما يظهر انبات البذور علي سطح التربه.

-اول ما يظهر الانبات بنعامل البسله زي اي نبات بنزرعه فالاصص وهو اننا نروي عند جفاف التربه فقط ، ولما نروي لازم نروي الاصيص ري كامل لحد ما نشوف قطرات مياه بتنزل من فتحات صرف الاصيص.

-بنسمد كل ٥ ايام مع الري لو التربه جفت خلال ٥ ايام ، ولو التربه استغرقت اكتر من كده لحد ما تجف فبنسمد وقت الري أيا كان الري هيبقي بعد كام يوم ( ٧ ايام ، ٨ ايام، ١٠ أيام.
 
وفي حالة ان بسبب الشتا ممكن التربه متجفش الا قبل اسبوعين فممكن نسمد تسميد ورقي مره كل أسبوع


تابع موقع اجرى نيوز  على صفحة "الفيس بوك " اضغط هــــــــنا 
تابع موقع اجرى نيوز   على ( اليوتيوب ) اضغط هــــــــنا
تابع موقع اجرى نيوز  على " واتس اب "  اضغط  هــــــــنا
تابع موقع اجرى نيوز  على "  X" اضغط   هــــــــنا
تابع موقع اجرى نيوز  على "إنستجرام"  اضغط هــــــــنا
تابع موقع اجرى نيوز عبر تطبيق (جوجل نيوز) اضغط هــــــــنا

لذلك نقدم لكم مجموعة كبيرة من الأخبار المتنوعة داخل الأقسام التالية، اخبار مصر، اخبار الزراعة، صناعة الدواجن، الثروة الحيوانية، بنوك  واقتصاد، اجرى لايف، مقالات، منوعات، وخدمات مثل سعر الدولار، سعر الذهب، سعر الفضة، سعر اليورو، سعر العملات الأجنبية، سعر العملات المحلية