فيتوبلازما الفول المرض اللي منتشر كتير جدا في أراضي الفول الفترة دي واللي بيزداد انتشاره سنة بعد سنة واللي قبل كدا مكنتش تشوفه في الفول غير نبات أو اتنين أو تلاتة ف الأرض كلها علي عكس الموسم الحالي اللي شوفت اراضي بعيني تم تقليعها بالكامل بسبب الفايتوبلازما

المرض دا ليس حشري وليس فيروسي كما يعتقد الكثير من المزارعين
وانما هو مرض بكتيري يسكن لحاء النبات  ينتقل عن طريق حشرة نطاط الاوراق (الجاسيد)

أعراضه كما موضح في الصورة وأعتقد أن أغلب مزارعين الفول الموسم الحالي شافوا اكتر من نبات ف أرضهم 

طيب ازاي نكافح المرض دا!؟

لو الإصابة عندك في نبات أو نباتين اخلعهم من ارضك وارميهم برا

لو الإصابة عندك نبات في الخط الواحد اخلعهم ورش مبيد حشري للمن والجاسيد مع بعض وافضل المواد اللي بتشتغل عليهم(ثياكلوبرايد مع بيمتروزين أو اسيتامبريد مع ملاثيون)


لو الإصابة عندك عالية هترش رشة الحشري اللي فوق دي وبعدها بيوم أو اتنين هترش مضاد حيوي زي التيتراسيكلين بمعدل 40جم علي برميل200لتر ماء

وبعد الرش اللي فوق هترش طحالب بحرية مع ميكس عناصر صغري
  
وربنا يجعله موسم خير علي جميع المزارعين يارب
 

المهندس احمد فهيم استشارى زراعى