ـ الارض التي تصلح لزراعه الفاصوليا، ارض خصبة خفيفة جيده الصرف والتهويه ذات نسبة املاح منخفضة ف التربة والمايه الفاصوليا تتحمل الملوحه الي 700 جزي ف المليون عشان تاخد منها انتاج كويس بعد ذالك هتشتغل معاك لكن الانتاج هيكون ضعيف.
 
ـ المعاد المناسب لزراعة العروة الشتوية بتبداء الزراعه ونظرا لاستمرار الحرارة العالية فيما تبقي من شهر أغسطس، هتكون من اواخر شهر 8 الي اول شهر 10، وبالنسبه للاصناف الكويسه ( جيزه 6 وجيزه11وجيزه13 ونبراسكا).

-تجهيز الارض وخدمه ما قبل الزراعه، بالنسبه للخدمه اللي هتنزل هتكون عباره عن( للفدان ) 20متر سباخ بلدي متحلل او ١٥ منر سير فراخ، وست شكاير سوبر فوسفات محبب، ١٠٠ كجم كبريت زراعي، ٢٥ كجم سلفات ماغنسيوم، هيتم تقليب الخدمة دي مع بعضها وتنزليها علي الارضية القديمة قبل الحرت.


ثم تترك الارض تتشمس فتره والتخطيط ١٢ خط للقصبتين وبعد تمام، بعد تمام التشميس هيتم ري الارض ريه كدابه(ريه الزراعه) مع الرية الزراعه نفسها هنراعي سحب 5 كجم كبريتات نحاس ( جنزاره ) تشتغل علي مكافحه فطريات التربه معاك ومعاها ٧ لتر جاز الجاز هنا تاثيره هيكون علي الحفار والديدان القارضه وبيض الحشرات والغذارئ الموجوده ف التربه دي بالنسبه لريه للزراعة.

تتم الزراعة بعد جفاف المايه وتكون التربه بتحتوي علي نسبه رطوبه معقوله بعد الري بحوالي (٣-٦) ايام كل ارض وعلي حسب صرفها، رش الاستومب لمنع انبات بذور الحشائش بمعدل ١لتر للفدان، رش الاستومب ف الاراضي الغمر بيكون قبل رايه الزراعه.

يتم تغطية التربة بالاستومب، ثم الري بعد ذلك مش زي ما معظم الناس بتعمل انها بترش الاستومب بعد زراعه الفاصوليا نفسها، وللاسف الاستومب مبيديش اي نتائج معاهم وكمان ممكن ياثر علي انبات البذور . 
 

والسبب هنا ان ماده الاستومب ف الاساس هيا ماده بتاثر على جدار بذور الحشائش و بتمنع انبات بذور الحشائش بمعنى انك لما تيجي ترش الاستومب بعد زراعه الفاصوليا نفسها بيبقا خلاص بذور الحشائش نفسها اتحركت وانبتت بالتالي الاستومب ملهوش تاثير عليها، معدل الاستخدام لتر / للفدان 5 ـ كميه التقاوي 40-60 كيلو للفدان.

ـ التلقيح البكتيري للتقاوي (العقدين ) الاستخدام الصح ليها، من خلال انك بتجيب مفرش وتحط عليه التقاوي بتاعتك وبتحضر محلول سكري بيكون عباره عن نص لتر مايه مع كميه كافيه من السكر ( كوبايه) هيتم اذابه السكر كويس ورش التقاوي كلها بالمحلول دا.


وبعد كدا هيتم خلط العقدين على التقاوي، بحيث يتم توزيع كل العقدين بكميات متساويه علي التقاوي، وتركها حتى تجف لساعه وتتم الزراعه بعد ذالك.

رية المحاياه، الفاصوليا حساسه جدا لزياده الري والرطوبة الارضية الزيادة وعشان كدا ري الفاصوليا بيكون حامي وبحساب، ولا تتم ريه المحاياه الا بعد تمام الانبات ٢١ يوم من الزراعه.


تابع موقع اجرى نيوز   على صفحة "الفيس بوك "  اضغط هــــــــنا
تابع موقع اجرى نيوز   عبر تطبيق "جوجل نيوز"       اضغط هــــــــنا

تابع موقع اجرى نيوز   على "اليوتيوب" اضغط هــــــــنا
تابع موقع اجرى نيوز  على " واتس اب"  اضغط هــــــــنا
تابع موقع اجرى نيوز  على     " X "         اضغط هــــــــنا
تابع موقع اجرى نيوز  على "إنستجرام"  اضغط هــــــــنا

اجرى نيوز ، موقع إخباري  يقدم أهم الأحداث المحلية والعربية والعالمية وخدمات صحفية محترفة فى الأخبار والاقتصاد والزراعة والعلوم والفنون والرياضة والمنوعات، وهدفنا أن نصل لقرائنا الأعزاء بالخبر الأدق بما يليق بقواعد وقيم الأسرة المصرية.

لذلك نقدم لكم مجموعة كبيرة من الأخبار المتنوعة داخل الأقسام التالية، اخبار مصر، اخبار الزراعة، صناعة الدواجن، الثروة الحيوانية، بنوك  واقتصاد، اجرى لايف، مقالات، منوعات، وخدمات مثل سعر الدولار، سعر الذهب، سعر الفضة، سعر اليورو، سعر العملات الأجنبية، سعر العملات المحلية.