وهنا بتكلم عن الأصناف الأجنبي، زراعة البطاطس بتحتاج من ( ٩٠ ـ ١٢٠ ) يوم، حسب مكان زراعتك.
أهم المعاملات، عشان تجيب أقصى إنتاج في فدان البطاطس لازم تكون ملوحة المياه ٧٠٠ ppm، و ملوحة الأرض ١١٠٠ ppm، لو الأرقام دي عندك أعلى من كدا، بيبدأ إنتاج الفدان بيقل شوية، حسب الأرقام عندك.
أفضل معاد للزراعة في العروة الخريفي من ( ١٥ أغسطس لحد ١ أكتوبر )، العروة الشتوي من ( ١٥ أكتوبر لحد ١٥ نوفمبر ) ، العروة الصيفي من ( ١ ديسمبر لحد ١٥ يناير ) ،ممكن تختلف في مواعيد الزراعة، حسب ظروف الجو .
- خدمة الأرض مهمة جدا، الفدان بيحتاج : سماد بلدي ٢٠ متر مكعب، لو أرض جديدة خليهم ٣٠ متر مكعب في الفدان، سوبر فوسفات محبب خليهم ٣٠٠ كجم في الفدان ، لو أرض جديدة زود أكثر و سلفات نشادر ١٠٠ كجم في الفدان ، سلفات البوتاسيوم ٥٠ كجم في الفدان، ٥٠ كبريت زراعي، الكلام دا كله في خدمة الأرض، تزيد أو تقل كميات الخدمة حسب جودة الأرض .
- هتحرث الأرض بالخدمة ،و بعدين التخطيط هيكون ( ٩ - ١١ ) خط في القصبتين ، وباردوا حسب طبيعة الأرض عندك.
- بعد التخطيط سيب الأرض تحمص يومين، و بعدين اروي الأرض، بعد لما تطلع التقاوي من الثلاجات، لازم تكشف عليهم، عشان تتأكد أن التقاوي سليمة ، مفيهاش أي مرض فطري، و خلي بالك من العفن البني.
- مسافة الزراعة ما بين التقاوي ، بتكون حوالي ٢٥ سم، الأصناف اللي بتحط البيض رأسي، قلل مسافة الزراعة، و صنف زي الكارا خليه ع ٢٠ سم خلي بالك، صنف سبوتنا حساس للندوات .
- عينك في مراحل الزراعة ،أنك تعمل مجموع خضري كويس في الأول ،خالي من أي إصابات فطرية و حشرية ،و على عمر ٤٠ يوم ، هتبدأ تزود الفوسفور بالتدريج ، عشان تكوين البيض ، و على عمر ٧٠ يوم بداية مرحلة التحجيم ، كل فترة أكشف ع زرعتك .
- عنصر البورون و المنجنيز و البوتاسيوم مهمين جدا ضروري رشة عناصر صغرى، على عمر ٤٠ يوم ياريت بعد الزراعة تسمد كبريتات نحاس في الأرض، لو ظهر عندك ديدان على الورق و دا في الغالب، رش الدودة بعد العصر، مقارب للمغرب.
مهندس زراعي أحمد أسامة علوان
تابع موقع اجرى نيوز على صفحة "الفيس بوك " اضغط هــــــــنا.
تابع موقع اجرى نيوز عبر تطبيق "جوجل نيوز" اضغط هــــــــنا.
تابع موقع اجرى نيوز على "اليوتيوب" اضغط هــــــــنا.
تابع موقع اجرى نيوز على "واتس اب" اضغط هــــــــنا.
تابع موقع اجرى نيوز على " X " اضغط هــــــــنا.
تابع موقع اجرى نيوز على "إنستجرام" اضغط هــــــــنا.
اجرى نيوز ، موقع إخباري يقدم أهم الأحداث المحلية والعربية والعالمية وخدمات صحفية محترفة فى الأخبار والاقتصاد والزراعة والعلوم والفنون والرياضة والمنوعات، وهدفنا أن نصل لقرائنا الأعزاء بالخبر الأدق بما يليق بقواعد وقيم الأسرة المصرية.
لذلك نقدم لكم مجموعة كبيرة من الأخبار المتنوعة داخل الأقسام التالية، اخبار مصر، اخبار الزراعة، صناعة الدواجن، الثروة الحيوانية، بنوك واقتصاد، اجرى لايف، مقالات، منوعات، وخدمات مثل سعر الدولار، سعر الذهب، سعر الفضة، سعر اليورو، سعر العملات الأجنبية، سعر العملات المحلية.
