ناس كثير مننا متعودة في نص الاكل انها تشرب ميه او عصير او مشروبات غازيه وبتحس ان دا الجزء الي بيسعدها على الاكل او على الاستمتاع بالوجبة.

ثم تصطدم بشريحه كبيره من الناس الي بتنتقد الفعل دا كونه احد اشهر مسببات الكرش في مجتمعنا، بس تعالى ناخد الميه في وضع تحليلي كدا ونشوف هي ايه، وازاي بتسبب الكرش.

الميه ورمزها H2O، هي عباره عن ذرتين من الهيدروجين وذره من الأكسجين وعدد سعرتها في الحقيقة = صفر، إذا الميه في حد ذاتها مستحيل تتخنك او تطلعلك أي كرش.

طيب ايه اللي بيحدث عند اضافة الماء وسط وجبة دسمه؟

الي بيحصل ان الميه الي ملهاش أي سعرات دي بتخش مع الوجبة ف بتملى بطنك ميه مع خليط الاكل ف بتخليك تشبع اسرع لان معدتك بتتملي اسرع مش بس كدا دي كمان بتلين خليط الاكل في جسمك ودي حاجه بتساعد على الهضم وتقلل فرص مشاكل المعدة والأمعاء لدرجة ان بعض دكاترة الباطنة، بتنصح مرضاها بانهم يشربوا ميه في نص الاكل لو بيعانوا من الإمساك مع بعض الرياضة زي المشي وركوب العجل ودي حاجات بتساعدهم في التخلص من مشكلتهم.


إذا مع شوية تحفظ على العصائر مع الاكل وتحفظ كبير مع المشروبات الغازية على الاكل، انما الميه نفسها على عكس الحاجات دي هي حاجه مفيدة جداً او على الأقل مش بتطلع كرش وسط الاكل.

دكتور محمود شادي- اخصائي العلاج الطبيعي والتغذية العلاجية - جامعة 6 أكتوبر
- دكتور علاج طبيعي في ريكوفري سيتي للعلاج الطبيعي.
- دكتور العلاج الطبيعي بالقصر العيني سابقا.
- عضو الجمعية المصرية لتطوير التعليم الطبي المستمر.
- مؤسس أكاديمية PTPA للتعليم والتدريب في مجال العلاج الطبيعي.
- مؤسس VEGAT للتغذية العلاجية.