اول ما تروح لدكتور القلب، ويكتشف ان عندك مشكله في الدهون او شرايين القلب، يقولك ان دواء الدهون مهم جدا ولازم نمشي عليه بانتظام لأنه هيفيد حضرتك ولازم نقضي علي الدهون الضارة الي بتتراكم علي جدار الشرايين وتعمل التصلب الي بيضيق الشرايين و بيعمل جلطات لا قدر الله، وحضرتك بتاخد العلاج وانت متضرر وخاصة بعد ما تقرأ النشرة الداخلية وتعرف المضاعفات،  وبعد شوية بتروح للدكتور تقله هو احنا مش ممكن نقلل العلاج شوية انا زهقت وتعبت وكمان سمعت ان ادوية الدهون بيعمل مشاكل مع الوقت.

بعد أبحاث كتير توصلوا الي حقنه جديده هتتاخد كل ستة اشهر مره واحده و بتقلل الكولسترول وخاصة الدهون الضارة بنسبة عالية جدا.


الحقيقة الدواء ده يعتبر نقلة نوعية في طريقة العلاج لأنه بيشتغل عن طريق الحمض النووي المسئول عن تكوين الدهون الضارة واعتقد ان طريقة عمل الادوية الفترة القادمة هتبقى كلها معتمدة علي الجينات وبالتالي موضوع الأقراص في طريقة للانقراض.

كمان الدواء اخد الموافقة وموافقة هيئة الغذاء والدواء الامريكية والي اعتمدت على برنامج قوي يوضح تقليل LDL-C الفعال والمستمر بنسبة تصل إلى 52٪ في المرضى الذين يعانون من ارتفاع LDL-C على الرغم من العلاج بأقصى قدر ممكن من العلاج بأقراص الستاتيين.

ودمتم سالمين 
دكتور محمود سليمان - استشاري امراض القلب والقسطرة التداخلية


تابع موقع اجرى نيوز عبر تطبيق (جوجل نيوز) اضغط  هــــــــنا

اجرى نيوز ، موقع إخباري  يقدم أهم الأحداث المحلية والعربية والعالمية وخدمات صحفية محترفة في الأخبار والاقتصاد والزراعة والعلوم والفنون والرياضة والمنوعات ، وهدفنا أن نصل لقرائنا الأعزاء بالخبر الأدق بما يليق بقواعد وقيم الأسرة المصرية.

لذلك نقدم لكم مجموعة كبيرة من الأخبار المتنوعة داخل الأقسام التالية، اخبار مصر، اخبار الزراعة، صناعة الدواجن، الثروة الحيوانية، بنوك واقتصاد، اجرى لايف، مقالات، منوعات، وخدمات مثل سعر الدولار، سعر الذهب، سعر الفضة، سعر اليورو، سعر العملات الأجنبية، سعر العملات المحلية