يا دكتور أنا ضغطي اتظبط ووقفت العلاج ومكمل على الكركديه وبقيسه والضغط كويس ومبيعلاش قوي.

حضرتك ضغطك اتظبط بالعلاج فمينفعش نوقفه لأن مع الوقت الضغط هيبدأ يعلى تاني ويعمل مشكلة وممكن يعلى فجأة دون ما تحس.

يا دكتور آنا سكري بقى تمام ووقفت العلاج ونظمت أكلي وحاسس إني كويس.

حضرتك سكرك اتظبط بالعلاج ولو وقفت العلاج السكر هيبدأ يعلى وتظهر المشاكل من غير ما تحس ومع مرور الوقت هتواجه مضاعفات على المدى البعيد.

يا دكتور أنا بعد القسطرة بقيت كويس ووقفت العلاج

حضرتك لما وقفت العلاج عرضت نفسك لمخاطر كبيرة الدعامات ممكن يحصل فيها مشكلة لأنك وقفت الأدوية اللي بتمنع تجلط الدم وكمان لما وقفت أدوية الدهون ده هيخلي الدهون تترسب على باقي الشرايين وتسبب ضيقًا وقصورًا جديدًا.

من فضلك قبل ما تعمل حاجة في العلاج او تاخذ قرار توقيف العلاج روح للدكتور الأول مش تقولي يا دكتور بعد فوات الأوان.
ودمتم سالمين
الدكتور محمود سليمان
استشاري أمراض القلب والقسطرة التداخلية
وزميل الجمعية الأمريكية للقسطرة