يا دكتور، أنا ضغطي اتظبط ووقفت العلاج ومكمل على الكركديه وبقيس والضغط كويس مبيعلاش قوي
- حضرتك ضغطك اتظبط بالعلاج فمينفعش نوقفه لأنه مع الوقت هيعلي ويعمل مشكلة وممكن يعلي فجأة.
يا دكتور، أنا سكري بقى تمام ووقفت العلاج ونظبط الأكل وحاسس إني كويس
- حضرتك سكرك اتظبط بالعلاج، ولو وقفت العلاج السكر هيعلي ويعمل مشكلة من غير ما تحس ومضاعفات على المدى البعيد.
يا دكتور، أنا بعد القسطرة بقيت كويس ووقفت العلاج
- حضرتك لما وقفت العلاج عرضت نفسك لمخاطر أن الدعامات ممكن يحصل فيها مشكلة لأنك وقفت الأدوية اللي بتمنع تجلط الدم وكمان لما وقفت أدوية الدهون ده هيخلي الدهون تترسب على باقي الشرايين وتعمل ضيق وقصور جديد.
يا دكتور... يا دكتور... يا دكتور...
- من فضلك قبل ما تعمل حاجة في العلاج أو تاخذ قرار توقيف العلاج روح للدكتور الأول مش تقولي يا دكتور بعد فوات الأوان.
ودمتم سالمين
الدكتور محمود سليمان
استشاري أمراض القلب والقسطرة التداخلية
وزميل الجمعية الأمريكية للقسطرة
