لا يوجد أروع من طبق فيه بعض حبات من التمر و كوب قهوة اشربهم وانطلق عارف حقنة الطاقة جرب جرب يوم يكون ده فطارك وقولي حسيت بأية طول اليوم؟ عارف اللعبة اما بتحطلها حجر جديد وتيجى تشغلها فتشتغل بهمة ونشاط دا بالضبط اللى هتحس بيه كأنك فولت تانك بنزينة جسمك ع الصبح .

أحمد بيه شوقي من كتر حبه في التمر قال عنه :- 

أمير الحقول عروس العزب

طعام الفقير وحلوى الغني

وزادُ المسافر والمغترب

طيب ايه هيه الفوائد المذهلة لشاحن الطاقة البشرية التمر :- 

-الـ١٠٠ جرام تمر ياجماعة فيهم طاقة ٢٧٠ كالورى و ٥ جرام بروتين والأهم بالنسبة ليا حوالى جرام الا حاجة بسيطة بوتاسيوم البوتاسيوم حبيب القلب مغذي الخلايا بانئ العضلات ومنظم ضغط الدم و صديق الكلى جسمك بيحتاج منه يوميا حد أدنى ٣ ونص جرام من غيره جسمك كله بيتلخبط وأهم عرض لنقص البوتاسيوم ياجماعة هوه الإمساك المزمن .

- انتظام دخول الحمام ونضافه القولون 
منطقي جدا محتواه العالي من الألياف و البوتاسيوم يخلوك تأكل التمر الصبح تخش الحمام علي طول بعدها تنضف .

- الزهايمر 
اللي متعود يفطر تمر يوميا مش ممكن يصاب بالزهايمر وأقرا تاريخ أجدادنا الصحابة والسلف مفيش حد منهم جاله خرف الشيخوخة ولا الزهايمر بالعكس كانو أفزاز وخليك فاكر أنت ماتأكله .

- ضعف الكلى
التمر غني بكل الأملاح المعدنية اللى بتحتجها الكلي لطرد السموم الحمضية من الجسم فى دراسة علي مجموعة من المرضى قدر التمر يساعدهم في خفض الكرياتنين المرتفع .


- الضعف الجنسى وضعف الغدد لكلا الجنسين 

التمر النبات الوحيد اللى بيعوض النقص فى هرمونات الذكورة وكذلك الانوثة للجنسين اكل التمر صباحا يوميا يعني دورة منتظمة للأنثي أكل التمر صباحا يوميا يعني حيوانات منوية قوية جدا وسريعة جدا وغزيرة جدا للرجل .

- عظام حديدية 
انت فاكر ان عضمك شوية كالسيوم وخلاص تبقا انت غلطان العضم عشان يتكون صح بيحتاج ٧٦ معدن غير الكالسيوم كل المعادن النفيسة دي موجودة في التمر النخل ياسادة بتجود زراعته بجانب مناجم المعادن وبيقدر يستخلص من المناجم كل الفوائد في التمر و أسألو أهل الواحات .

-لا يجوز أبدا التحدث عن فوائد التمر أبدا و الإغفال عن فايدته لعلاج فقر الدم أو الأنيميا أهم حاجة كل معاه ليمونة أو برتقالة لو بتعاني من الأنيميا عشان الحديد بيكون إمتصاصه أفضل وتمثيله مع فيتامين سى .

هتوقف عند أخر فايده للتمر هنا واللى فوايده أعظم من كده بكتير بس عشان مطولش عليكم أكتر من كده بس متنساش ان تغسل سنانك بالفرشة كويس أوى بعد أكل التمر أو استخدم السواك بواقي التمر في الفم ممكن تسوس سنانك .

شير لغيرك وقوله هفطر تمر و زيت زيتون وزعتر يوميا مع برتقالة وهشرب معاهم فنجان من القهوة بس لو فيه أنيميا همنع القهوة وخليك فاكر إن التمر كان غذاء ستنا مريم والرسول قال أكرموا عمتكم النخلة ، فإنها خلقت من الطين الذي خلق منه آدم .

الدكتور صادق الشيمى أستاذ النباتات بمركز البحوث الزراعية