حبايبنا مزارعي الليمون البلدي والبرتقال وشتة بسيطة ، البداية كيف نتعامل مع الموالح في الفترة الحالية؟
أشجار الموالح في الفترة الحالية بدأت بتخريج نموات خضرية حديثة (براعم خضرية) يجب ان نحافظ عليها من الآفات الحشرية زي المن وصانعات الانفاق والتدخل برش أبسط مواد فعالة زي(٥٠جم اسيتامبريد+١٠٠سم ابامكتين+لتر زيت نباتي)علي برميل ٢٠٠لتر ميه.
أيضا في الفترة الحالية الأشجار بدأت بالفعل في مرحلة التزهير لازم نحافظ علي حاجتين
١-الري لازم يكون علي فترات متقاربة بكميات ميه مش كبيرة علشان نحافظ علي التوازن المائي داخل الأشجار وبالتالي نحافظ علي الازهار.
٢-لازم نحافظ علي تغذية الأشجار ونبدأ ننزل اول دفعة كيماوي للي لسه منزلهاش(حوالي٤٠- ٥٠وحدة ازوت اللي بتعادل ٢٠٠-٢٥٠ كيلو سلفات النشادر ) ونرش رشة عناصر صغري مع ماب مع احماض امينية خاصة البرولين كمقاوم للظروف المناخية والتربتوفان والجليسين.
مفيش ارض خالية من النيماتودا والاعفان ولكن بنسب مختلفة علشان كدا انصحك لله ف الفترة دي تعمل برنامج محترم للجذور هقولك عليه حالا ودا هيفرق ف الأشجار والإنتاج
١-تبدأ بجرعة ملوحة اولا وممكن بعدها مباشرة تسحب جرعة نيماتودا (ودا انسب وقت لمعالجة النيماتودا ف الموالح)
بس لو محصول لسه علي الأشجار اجل السحبة او اسحب حاجة حيوي phi zero
2-تاني رية هتسحب٣-٥لتر فوسفوريك او اي حامض وبعدها مباشرة هتسحب جرعة اعفان وابسط حاجة(١ك فوستيل-٥٠٠جم ثيوفانات ميثيل )
٣-تالت رية هتسحب (١٠٠جم اندول +١ك هيوميك )
لو عاوز تعدي الفترة دي بأقل الخسائر يبقي لازم تحافظ سيران العصارة داخل النبات بانتظام وتحافظ علي المحتوي المائي للبنات بسبب سرعة فقد النبات للماء في الأجواء الحارة
وتحافظ عليهم بتسميد حاجتين اتنين(٨ك نترات بوتاسيوم+٤ك نترات ماغنسيوم)
حبايبنا مزارعي الليمون البلدي نخلي بالنا من دودة ازهار الموالح (فراشة ازهار الليمون) ونرش حاجة حشري خفيفة
الدكتور صادق الشيمى أستاذ وقاية النباتات بمركز البحوث الزراعية
