أ
أ
عشان نطبخ صح لازم نعرف الفرق بين البصل الأحمر والبصل الأبيض (البصل الحلو)
كتير بنستخدم البصل في وصفات ونلاقى إنه مش بيدينا النتيجة اللي كنا متوقعينها بالبط وده بيكون بسبب إننا بنستخدم نوع بصل غير مناسب للوصفة نفسها، فاحبيت إننا نقول معلومتين على الماشي كده عن اشهر نوعين للبصل الموجود عندنا في مصر
أولا/ من ناحية الاستخدامات المطبخية:
البصل الأحمر مناسب لكل الاكلات الفريش اللي مش مطهيه يعنى تحطه على طبق تونا تاكله جنب طبق فول تقطعه على اسى نوع سلطه تحطه جوه سندوتشات وهكذا
وده لأنه مش نفاذ اوى وطعمه مسكر ومقبول ، كمان لأنه مش بيدي نتيجة كويسه في عمليات الطهى بالحرارة لأنه بيسود ويتأكسد
البصل الأبيض على العكس تماماً .. ده بقى بتاع الطبخ والتقلية والطشطشة كلها وكمان الكشري واي طبق بيحتاج بصل مكرمل وكل الوصفات الساخنة عموماً ولو جربت فريش هتلاقي طعمه حاد ونفاذ جدا ومش مستصاغ
ملحوظة: أنواع البصل في دول الخليج أغلبها مستوردة من الهند خاصة البصل الأحمر، البوست بيتكلم عن ((البصل المصرى )) وفى اختلاف كبير فى الطعم والأنواع ، فاللى عايش فى دولة خليجية غالباً هيلاحظ العكس.
ثانياً/ الفرق بينهم من الناحية الصحية
يعمل البصل الأحمر على خفض كمية الكوليسترول في الدم، كما يمنع تجلط الدم وتصلب الشرايين، ويساهم في منع تكون الخلايا السرطانية، ويدعم جهاز المناعة.
أما البصل الأبيض فيعتبر مطهرا مهما للفم من البكتيريا والجراثيم، كما يعالج مشكلات الجهاز التنفسي، مثل التهابات الرئتين والأنف والحلق وكذلك القصبة الهوائية.
الدكتور/ صادق الشيمى أستاذ وقاية النباتات بمركز البحوث الزراعية
