مش كل وجع في الصدر بيكون له علاقة بالقلب، في حاجة اسمها الغشاء البللوري والغريبة إن من كل 10 شكاوى لألم في القلب 8 منهم بيكونوا التهاب غشاء بلوري.

- الغشاء البللوري ده حاجة كده زي الكيس اللي بيحيط بالرئتين ويغلفها ويشغل التجويف الصدري كله.

أعراض الالتهاب البللوري بتفرق عن أعراض أمراض القلب بحاجات محددة وقاطعة ومن أهمها:

ألم في أي جزء في تجويف الصدر من الأمام أو الخلف، ممكن يكون زي النغزة أو التقل أو ممكن يكون حاد زي سن السكين ولكن
- يزيد مع النفس ويقل مع توقف النفس (ألم القلب مستمر).
- يقل لو حضرتك نمت على مكان الألم (ألم القلب لا علاقة له بتغيير الوضع).
- يزيد مع الكحة والعطس (ألم القلب لا علاقة له بالكحة أو العطس).

- مصاحب للعادات اليومية زي شرب الثلج أو المياه الساقعة أو التعرض المباشر للمروحة أو التكييف أو تشغيل تكييف السيارة بشكل مباشر على الوجه والصدر أو الدخول لمكان بارد والخروج لمكان ساخن والعكس بشكل فجائي ومتكرر

علاج مرض التهاب الغشاء البللوري:

- استعمال مضادات الالتهاب زي البروفين مع الكريمات الموضعية

- و في حالة عدم الاستجابة للعلاج أو وجود صعوبة في التنفس، لازم تستشير دكتور الصدر وتعمل أشعة على الصدر لأن في أسباب أخطر ممكن تسبب الألم ده.

- و بنشوفه عند الكثير من الناس اللي شغالين في تلجات ومع السواقين وشيفات الفنادق.

أ.د أحمد بشير - أستاذ الأمراض الصدرية جامعة الأزهر