قال الدكتور محمد علي فهيم رئيس مركز معلومات المناخ بوزارة الزراعة واستصلاح الأراضي أن اليوم اول برمهات لذلك ينصح المزارعين بعدة تنبيهات، لأن الجو رافع حرارته بالنهار ولسه بارد قوي بالليل ومع كتير تذبذبات وشوية حسومات .

ينصح فهيم المزارعين في أول أيام البرمهات بعدة معلومات منها: 

 
1- يعني لازم الأرض تحت الزرع كل الزرع تكون ديماً بها نسبة رطوبة ( مروية يعني). 
2- يعني ري القمح يكون بحساب (حسب نشاط الرياح بعد الري).. واوعى تفطم القمح بدري. 


3- يعني نقرب فترات الري بالتنقيط لكل الزراعات اللي ريها بالتنقيط.
4- يعني نهوي البلاستيك للصوب والانفاق طول اليوم .
5- يعني تخلى بالك من المن والتربس على كل المحاصيل.
6- يعني تخلى بالك من البياض الدقيقي على المانجو والقمح والعنب المبكر.


7- يعني تكثف إضافة الفولفيك وعالي الفسفور لأشجار الفاكهة كلها مع الري.
8- يعني التوتا ابسلوتا هتزيد على الطماطم وتتنقل على البطاطس الصيفي كمان. 


9- يعني دودة فراشة الياسمين هتظهر على الزيتون.
10- يعني الجيل الأول من دودة عناقيد العنب هتظهر بدري .


11- يعني الكمون واليانسون والكسرة والشمر والكراوية لازم يترشو بوتاسيوم فوسفيت أو سترات بوتاسيوم الفترة دي  .
12 - يعني  نهتم كتير بمركبات التحجيم في البطاطس والبصل والثوم والبنجر المتأخر .


13- يعني لازم نحصن البطاطس الصيفي من الندوة المتأخرة والندوة البدرية والتبقع البني .
14- يعني نهتم جداً بمركبات الكالسيوم بورون والكالسيوم فوسفيت لكل بساتين المانجو اللي دخلت في العقد .
15- يعني كل محاصيل العروة الصيفية المبكرة اللي اتزرعت اليومين اللي فاتو يكون عالي الفسفور أساسي.