أ
أ
موقع "اجري نيوز" الاخباري، ينشر معلومات مهمة عن واحدة من أكتر المشاكل اللي بتواجه مزارعي الطماطم والفلفل حالياً هي مشكلة "عفن الطرف الزهري"، و معاها مشكلة السوسة (التوتا اسبلوتا)، لكن زي ما إحنا عارفين، رقم واحد في حل مشكلة العفن هو عنصر الكالسيوم.
و لو اهتميت بتسميد الكالسيوم من بداية الزراعة بشكل صحيح، مش هتواجه المشكلة دي. ولكن لو رغم التسميد السليم، لسه بتواجه مشكلة العفن، في أسباب تانية لازم تاخد بالك منها.
أسباب ظهور مشكلة العفن الزهري بالرغم من تسميد الكالسيوم:
ارتفاع درجة الحرارة ونقص الرطوبة: في الوقت الحالي، ارتفاع درجة الحرارة أو هبوب الرياح الساخنة مع نقص الرطوبة الأرضية بيقلل من امتصاص الكالسيوم. دي الظروف بتزود النتح السريع، وبالتالي النبات بيفقد ماء أكتر من اللي الجذور تقدر تمتصه من التربة. ده بيأثر على وصول الكالسيوم للطرف الزهري للثمار، لأن الكالسيوم بيتنقل مع حركة الماء اللي رايح للأوراق، وده بيخلّي أنسجة الطرف الزهري تنهار وتظهر أعراض الإصابة.
جفاف التربة:
جفاف التربة تماماً من الماء بيمنع امتصاص الكالسيوم. الكالسيوم عنصر بطيء الحركة، وبيتحرك مع حركة الماء. لو التربة جافة، مافيش امتصاص للماء، وبالتالي مافيش امتصاص للكالسيوم. علشان كده، التوصية الأساسية هي الري المنتظم خصوصاً في الجو الحار.مشاكل الجذور: واحدة من المشاكل اللي بتعيق امتصاص الكالسيوم هي الأعفان والنيماتودا. لو مفيش نمو جذري سليم ونضيف، مش هيكون فيه امتصاص للكالسيوم أو لأي عنصر تاني. بالتالي، هتضطر تزود التكلفة على نفسك وتستخدم الرش الورقي. علشان كده، لازم نهتم بسحب جرعات مكافحة النيماتودا والأعفان بشكل منتظم، ومتابعة حالة الجذور باستمرار.
العلاج:
تسميد أوكسيد الكالسيوم: تحت الظروف الحالية وارتفاع درجات الحرارة، يفضل التدخل بتسميد أوكسيد الكالسيوم، وبعد كده تستبدله بنترات الكالسيوم وتستمر في التسميد بانتظام.استخدام نترات البوتاسيوم:
استعمال نترات البوتاسيوم من شركة محترمة في الوقت ده هيساعد الزرع ويخفف عنه الإجهاد.التدخل بالرش الورقي:
استخدام مركبات الكالسيوم بورن في الرش الورقي، وخلطها مع منظمات النمو، الطحالب، والأحماض الأمينية. حالياً، يفضل رش الكالسيوم مع نفثالين أسيتيك أسيك ونفثالين أسيتميد، ولو فيه إمكانية تضيف معاهم مركب أحماض أمينية، خاصة البرولين والهيدروكسي برولين.
تابع موقع اجرى نيوز عبر تطبيق (جوجل نيوز) اضغط هــــــــنا
اجرى نيوز ، موقع إخباري يقدم أهم الأحداث المحلية والعربية والعالمية وخدمات صحفية محترفة في الأخبار والاقتصاد والزراعة والعلوم والفنون والرياضة والمنوعات ، وهدفنا أن نصل لقرائنا الأعزاء بالخبر الأدق بما يليق بقواعد وقيم الأسرة المصرية.
لذلك نقدم لكم مجموعة كبيرة من الأخبار المتنوعة داخل الأقسام التالية، اخبار مصر، اخبار الزراعة، صناعة الدواجن، الثروة الحيوانية، بنوك واقتصاد، اجرى لايف، مقالات، منوعات، وخدمات مثل سعر الدولار، سعر الذهب، سعر الفضة، سعر اليورو، سعر العملات الأجنبية، سعر العملات المحلية.
