ينشر موقع "اجري نيوز " , الإخباري معلومات هامة ومفيدة للمهتمين بالقطاع الزراعي والمزارعين ويقدم كل ما تريد معرفته طرق وزراعة نبات النعناع في المنزل بكل سهولة وخلال 3 شهور .

طرق زراعة نبات النعناع

١- هنختار عود سميك وورقه كبير وكويس سواء من أي صديق بيزرع نعناع أو هنشتري حزمة نعناع ونختار منها أو لو عندنا شتلة وعاوزين نعمل اكثار منها.
٢- هنقص كل الأوراق السفلية وهنسيب آخر أربع أو خمس ورقات من فوق من العود وممكن نقص العود نفسه من تحت عشان يبقى طوله مناسب.
٣- هنزرع العود مباشرة في التربة بدون تجذير في الماء ولا حاجة.. هنحطه واقف كده في اصيص مناسب ونحطه في مكان ضل ونروي كل يوم بالليل.



٤- طول ما الأوراق واقفة ومش متهدلة ولا دبلانة اعرف إنك ماشي صح والزرعة شغالة بعد أسبوعين ممكن نبدأ نعرض الشتلة للشمس واحدة واحدةلما يبدأ يطلع أوراق جديدة من فوق غالبا بيكون طلع جدر وبدأ ينمو بشكل جيد.
٥- ممكن بعد فترة تقلب الزرعة وتتأكد إنه طلع جدر زي اللي في الصورة رقم ٤ بس ما تنقلوش لاصيص كبير غير لما الجدر يكبر ويملى الاصيص ويحاوط التربة كلها.



٦- بعد فترة من نقله هتلاقيه بدأ يكبر بشكل كبير ويطلع أفرع جديدة من التربة نفسها معنى كده إن الجدر كبر وبدأ يعمل جذور سميكة يطلع منها أفرع زي الصورة ٦ و ٧.