أ
أ
ينشر موقع "اجري نيوز" الإخباري، معلومات مهمة حول الفاصوليا من المحاصيل الشتوية المهمة اللي بتحتاج اهتمام خاص عشان نضمن إنتاجية عالية وجودة ممتازة، ومع التغيرات المناخية اللي بنشوفها في السنين الأخيرة، بقى ضروري نعدل شوية ممارسات زراعية عشان نوافق الظروف الجديدة.
واليكم ، هنتكلم عن شوية إرشادات ونصايح لزراعة الفاصوليا الشتوي، من أول تحديد معاد الزراعة المناسب، مروراً بكيفية الري الأمثل، لحد مكافحة الفطريات والآفات وتجهيز الأرض، و كمان هنتكلم عن أهمية اختيار التقاوي المناسبة وعملية التلقيح البكتيري، وكمان ازاي نتعامل مع مشكلة ملوحة التربة والمياه عشان نضمن نجاح محصولك وتحقق أفضل إنتاجية.
معاد الزراعة:
السنة دي معاد الزراعة هيكون مختلف شوية عن اللي احنا متعودين عليه. بدلاً من الزراعة في أواخر أغسطس وأول سبتمبر، نحاول نأخر المعاد أسبوعين تلاتة بسبب تغير المناخ اللي هيأثر على المحصول بالسلب ويسبب مشاكل في الزراعة بعد كده.الري:
محصول الفاصوليا حساس جداً لزيادة المياه، خصوصاً تحت نظام الري بالغم، خد بالك يا بتاع الأرض السمرا بالأخص، وريّك يكون بحساب.لو بتروي بالغمر، تأكد إنك تساوي الأرض كويس قبل الخدمة عشان متبقاش عندك مناطق بتشبع مياه وتمسك تحت الجدر ومناطق تانية عطشانة.
مكافحة الفطريات والآفات:
الأرض السمرا بتعاني من زيادة نسبة فطريات الجذور والحفار والديدان القارضة، قبل الزراعة، هتعمل الريه الكدابة وتعالج النقطة دي كالتالي:- لمشكلة أعفان الجذور، هتسحب مع الريه الكدابة من 3-5 كيلو حنزارة على حسب نسبة الفطريات في أرضك.
- اما بالنسبة للديدان القارضة والحفار، هتسحب لتر ديازانون مع خمسة لتر جاز، هيقلل نسبة الديدان وهيأثر على بيض الحشرات التانية والعذراء اللي كانت موجودة في التربة.
خدمة الأرض:
هتكون الخدمة كالتالي:
20 متر سباخ بلدي متحلل، 6 شكاير سوبر محبب، طن جبس زراعي (الشكارة الصفراء)، و2 كبريت زراعي.بعد التسوية والحرت، بتعمل خطوط الزراعة وتقسم الأرض وبعدين تروي الريه الكدابة وتستنى من 3-6 أيام حسب صرف الأرض.
التقاوي:
أفضل صنف هو جيزة 6، نموه خضري محترم، كمية أزهار كويسة، مبيفرطش عند الحصاد وحجم بذرة كويس.متنساش تضيف للتقاوي مبيد فطري زي (ريزوليكس أو ماكسيم).
من العمليات المهمة قبل الزراعة هي عملية التلقيح البكتيري للتقاوي، لكن تأكد الأول من المصدر اللي هتجيب منه (العقدين).
راية المحاياة:
بتكون بعد الزراعة بحوالي من 15-22 يوم، وده بيعتمد على الأرض، ومهم جداً تهتم بالتسميد الصح في الريه دي.ملوحة التربة والمياه:
محصول الفاصوليا حساس جداً للملوحة، يعني هيكون فاشل في أرض نسبة ملوحتها عالية أو لو هتروي بمياه مصرف ملوحتها عالية.بيتحمل لحد 700 جزء في المليون، أكتر من كده مش هيكون الإنتاج مجزي.
أفضل حل لمشكلة زي دي إنك تزرع على مصاطب عالية وتشتغل على طول بمعالجات ملوحة ومنشطات جذور.
تابع موقع اجرى نيوز عبر تطبيق (جوجل نيوز) اضغط هــــــــنا
اجرى نيوز ، موقع إخباري يقدم أهم الأحداث المحلية والعربية والعالمية وخدمات صحفية محترفة في الأخبار والاقتصاد والزراعة والعلوم والفنون والرياضة والمنوعات ، وهدفنا أن نصل لقرائنا الأعزاء بالخبر الأدق بما يليق بقواعد وقيم الأسرة المصرية.
لذلك نقدم لكم مجموعة كبيرة من الأخبار المتنوعة داخل الأقسام التالية، اخبار مصر، اخبار الزراعة، صناعة الدواجن، الثروة الحيوانية، بنوك واقتصاد، اجرى لايف، مقالات ،منوعات ، وخدمات مثل سعر الدولار، سعر الذهب، سعر الفضة، سعر اليورو، سعر العملات الأجنبية، سعر العملات المحلية.
