ينشر موقع "اجري نيوز" الإخباري عدة معلومات للمهتمين بالقطاع الزراعي حول رية المحاياة للفاصوليا .

تسميده رايه المحاياة 

_بنزل شكارتين نترات للفدان نثرا +تسميد 10 لتر حامض فسفوريك + 10 كيلو بوتاسيوم + 3 كيلو هيومك 
#_ملحوظه_مهمه الحامض والهيومك لا يقبلوا الخلط مع بعضهم البعض فانتا يبركه متشغلش دماغك الله يرضي عليك وتروح منزل كلو ف برميل واحد انا عمالت اللي عليا وحظرتك وانتا ودماغك هتنزل الهيومك والبوتاسيوم ف برميل لوحدهم والفسفوريك ف برميل تاني وممكن لو مش عايز تبدر النترات ف الأرض تضيفها لحامض الفسفوريك وتنزلها تسميد بس الأهم ان الهيوميك ف برميل والحامض ف برميل تاني

بعد رايه المحاياة رشة نيماتودا

ارضك لو شاكك انها فيها نيماتودا يبقى لازم اكافح نيماتودا صح قبل ما عمل اي حاجه وهنستخدم ماده_اوكساميل بمعدل 2.5 سم /1لتر ماء

وخد بالك انتا لو ارضك فيها نيماتودا وشغلت دماغك ومعالجتش صح مهما رشيت ف اعفان الجذور هتحس كأنك مرشتش حاجه والاعفان لسه شغاله عندك ودا مش عشان انتا رشيت مبيد مصروب دا عشان انك مختش معاك النيماتودا ف الاعتبار انها بتزود نسبه الاعفان ف أي محصول غير ضررها نفسها الضار

رشة اعفان جذور

هتبقي عباره عن ماده فوستيل الالومنيوم+ الهيمكسازول
هنرش الرشة دي بعد تلات أيام من رش النيمادتودا والأرض لسه ماسكه رطوبه وباذن الله هنطبق بنفس الرشة بعدها ب١٥ يوم 

تمام يهندسه انا كدا كافحت نيماتودا واعفان وبإذن الله وحده نسبه التقسيط عندي هتبقي قليله حدا ها انا دلوقتي عايز ارش حاجه تشغل معايا الجدر وترفع النمو الخضري والحمد الله درجه الحرارة انكسرت بالنهار ودا هيشجع معايا النبات انو يتجهه للنمو الخضري 

رشه تغذية

تذكره اندول + اثنين كيلو عشرينات + نص كيلو طحالب او احماض امينيه ويستحسن الطحالب 
الكميات دي هتكون علي برميل ٢٠٠ لتر .