ينشر موقع "اجري نيوز" الإخباري، كيفية زراعة البقدونس في الحقل، لأنها تعتبر من الأنشطة الزراعية الممتعة والمفيدة في نفس الوقت، و البقدونس مش بس نبات طعمه لذيذ و بيضاف على كتير من الأكلات، و لكنه كمان غني بالعناصر الغذائية والفوائد الصحية الكتير.
لو بتفكر تزرع البقدونس في حديقتك أو في أي قطعة أرض عندك، فيه شوية خطوات بسيطة وسهلة لو اتبعتها هتقدر تحصل على محصول بقدونس ممتاز، وعشان كدا  هنشرح اليكم  إزاي تختار المكان المناسب، وطرق تحضير البذور، وأفضل طريقة لزراعتها والعناية بيها لحد ما تنبت وتطلع بشكل صحي وسليم. 

اختيار مكان الزراعة:

أول حاجة لازم نعملها عشان نزرع البقدونس هي نختار مكان كويس للزراعة، لازم تكون التربة بتاعته بتصرف المياه كويس، وكمان يتعرض للشمس أو ضل جزئي. البقدونس بيحب المواقع اللي بتتعرض للشمس المباشرة من 6 لـ 8 ساعات في اليوم، وكمان الضل الخفيف يناسبه.

نقع البذور:

نسبة إنبات بذور البقدونس بتعتمد بشكل كبير على طراوتها، وده بيأخذ من أسبوعين لـ 5 أسابيع، وأحيانًا ممكن يوصل لـ 6 أسابيع. عشان تسرع الإنبات، لازم تنقع البذور في مياه دافية لمدة 24 ساعة قبل ما تزرعها.

زراعة البذور في التربة:

بتزرع بذور البقدونس في التربة بعد ما ينتهي خطر الصقيع الربيعي. لازم تحفر عمق حوالي 1 سم، وتباعد بين الصفوف حوالي 15 سم. بعد ما تزرعها، غطّيها بطبقة رفيعة من التربة حوالي 0.3 سم، واسقيها بالراحة عشان تفضل التربة رطبة.

إزالة الحشائش الضارة:

أثناء إنبات البقدونس، لازم تحرص على تنظيف التربة من الحشائش الضارة. وكمان، يفضل تحدد الصفوف اللي زرعت فيها البقدونس لأن إنباته بيكون بطيء.




تابع موقع اجرى نيوز عبر تطبيق (جوجل نيوز) اضغط هــــــــنا

اجرى نيوز ، موقع إخباري  يقدم أهم الأحداث المحلية والعربية والعالمية وخدمات صحفية محترفة في الأخبار والاقتصاد والزراعة والعلوم والفنون والرياضة والمنوعات، وهدفنا أن نصل لقرائنا الأعزاء بالخبر الأدق بما يليق بقواعد وقيم الأسرة المصرية.

لذلك نقدم لكم مجموعة كبيرة من الأخبار المتنوعة داخل الأقسام التالية، اخبار مصر، اخبار الزراعة، صناعة الدواجن، الثروة الحيوانية، بنوك واقتصاد، اجرى لايف، مقالات، منوعات، وخدمات مثل سعر الدولار، سعر الذهب، سعر الفضة، سعر اليورو، سعر العملات الأجنبية، سعر العملات المحلية.