الذرة الحلوة هي واحدة من أكتر السناكس المفضلة لدى الكبار والصغار، وطعمها اللذيذ والمميز بيخليها أكلة مش ممكن تقاومها, ولو حابب تعملها في البيت زي المحلات بالضبط، تعال شوف الطريقة دي اللي هتخليك تستمتع بكل حبة ذرة لذيذة في وقت قليل.

المكونات:

-  4 أكواز (عرنوس) من الذرة.

- شوية ملح.

- مكعب زبدة.

- توابل.

- نصف ملعقة بهارات دجاج.

- مياه مغلية.

- عصير ليمونة.

- ربع ملعقة بابريكا.

طريقة التحضير:

حط ماء في حلة على النار ورش عليها شوية ملح، سيبها لحد ما تغلي.

قشر أكواز الذرة وغسلها كويس.

نزل الذرة في الماء المغلي وسبها تتسلق حوالي 10 دقايق لحد ما تستوي.

بعد ما تستوي الذرة، ارفعها من على النار وابدأ تفصص الحبوب.

في طاسة على النار، حط الزبدة وبعدين ضيف التوابل والبهارات، قلب كويس.

بعد كده، ضيف البابريكا وعصير الليمون وخلط كل المكونات لحد ما يتجانسوا.

سيب الذرة على النار لمدة 8 دقايق كمان لحد ما تتشرب الزبدة والتوابل. وبس كده، الذرة جاهزة للتقديم. ضيف البهارات حسب الرغبة قبل ما تقدمها.

الذرة الحلوة بالجبنة زي المطاعم

لو حابب تدلع نفسك وتقدم الذرة الحلوة بطريقة مميزة، جرب الطريقة دي بالجبنة الكريمي، والنتيجة هتكون خرافية.

المكونات:

6 أكواب ذرة حلوة صفراء.

ملعقة زبدة.

رشة ملح.

2 ملعقة كبيرة دقيق أبيض.

مكعب زبدة باردة.

1 ملعقة صغيرة كركم.

100 جرام جبنة شيدر صفراء.

فلفل أسود.

5 ملاعق كبيرة كريمة.

5 أكواب حليب.

طريقة التحضير:

حط مياه في حلة على نار هادئة وأضف إليها شوية ملح. سيب المياه تغلي.

قشر أكواز الذرة واغسلها كويس.

نزل الذرة في المياه المغلية وسيبها على النار لمدة 30 دقيقة لحد ما تكون طرية.

بعد ما تستوي، ارفع الذرة من على النار وابدأ تفصص الحبوب.

حط ملح على الذرة، وبعدها اعمل صوص الجبنة.

تحضير صوص الجبنة:

في حلة على النار، حط شوية زبدة، وبعدين ضيف الدقيق وقلّب لحد ما الدقيق ياخد لون ذهبي فاتح.

ضيف الحليب واستمر في التقليب لمدة 7 دقايق لحد ما الصوص يتماسك.

بعد كده، ضيف الملح والفلفل الأسود والكركم، وبعدهم جبنة الشيدر. قلّب لحد ما الجبنة تذوب تمامًا.

حط الزبدة وامزج المكونات كويس لحد ما يتكون معاك صوص جبنة كريمي.

في صينية، حط خليط الذرة مع صوص الجبنة، وحمّي الفرن.

دخّل الصينية الفرن لمدة 18 دقيقة، وبكده تكون الذرة الحلوة بالجبنة جاهزة.

دلوقتي تقدر تستمتع بأحلى ذرة حلوة زي المحلات وأنت قاعد في البيت.


تابع موقع اجرى نيوز   على صفحة "الفيس بوك "  اضغط هــــــــنا
تابع موقع اجرى نيوز   عبر تطبيق "جوجل نيوز"       اضغط هــــــــنا

تابع موقع اجرى نيوز   على "اليوتيوب" اضغط هــــــــنا
تابع موقع اجرى نيوز  على " واتس اب"  اضغط هــــــــنا
تابع موقع اجرى نيوز  على     " X "         اضغط هــــــــنا
تابع موقع اجرى نيوز  على "إنستجرام"  اضغط هــــــــنا

اجرى نيوز ، موقع إخباري  يقدم أهم الأحداث المحلية والعربية والعالمية وخدمات صحفية محترفة فى الأخبار والاقتصاد والزراعة والعلوم والفنون والرياضة والمنوعات، وهدفنا أن نصل لقرائنا الأعزاء بالخبر الأدق بما يليق بقواعد وقيم الأسرة المصرية.

لذلك نقدم لكم مجموعة كبيرة من الأخبار المتنوعة داخل الأقسام التالية، اخبار مصر، اخبار الزراعة، صناعة الدواجن، الثروة الحيوانية، بنوك  واقتصاد، اجرى لايف، مقالات، منوعات، وخدمات مثل سعر الدولار، سعر الذهب، سعر الفضة، سعر اليورو، سعر العملات الأجنبية، سعر العملات المحلية.