قال محمد صلاح قائد المنتخب المصري بحاول اقدم كل حاجه مع منتخب مصر، واحنا 27 لاعب ده مش منتخب صلاح أنا مش جاي العب كرة فردية مضيفاً" أنا واثق جدا في زمايلي في المنتخب احنا مكناش موفقين اول مباراتين لكن بإذن الله نكسب الرأس الأخضر وعندنا هدف نتوج بالبطولة".
وتابع صلاح في تصريحاته انه "متفهم ومقدر كل الانتقادات اللي بتوجه ليا وده أمر طبيعي جدا وحريه رأي لأي حد .. في ناس كتيرة بتدعم المنتخب وبشكرهم جدا واتمنى الكل يساند المنتخب الفترة الجاية"
وأضاف قائد المنتخب المصري قائلاً"كلنا هنموت نفسنا علشان اسم مصر وندافع عنه.. وفي لعيبة لسه خبراتها قليلة بتتأثر بالانتقادات الشديدة, أتمنى في مصر نسيب اللاعبين تحترف بدري والأندية لازم تساعدهم..لان في فرق كبير في الإمكانيات بين الفرق لكن الفرق في العقلية".
وأردف محمد صلاح حديثه قائلاً"في لعيبة كتيرة في مصر بتتنجم زيادة عن اللزوم ويمكن ده سبب رفضهم أنهم يحترفوا برا , حاولت اعمل كل حاجه في أول مباراتين لكن كان في سوء توفيق معاناوأنا واثق من زمايلي في المنتخب هنعدي المرحلة دي وزي ما قولت ده منتخب مصر مش منتخب صلاح" .
