ينشر موقع "اجري نيوز" ، الإخباري معلومات هامة ومفيدة  لمساعدة ست البيت في المنزل والتخفيف عليها ويقدم طريقة   عمل الفراخ بالرز البسمتي بأقل التكاليف .

فراخ مقطعه اربع او على ٨ او فرخه سليمه مفتوحه من الضهر او صدور فليه حسب رغبتكم  
بصله كبيره يفضل الاحمر 
٤ فصوص توم 
٢ حبه فلفل احمر حلو يفضل مشوى
٢ حبه فلفل احمر حار وممكن اكتر لو بتحبوه حار جدا 
 بشر ليمونه 
معلقه كبيره عصير ليمون 
ملح و فلفل
 ريحان فرش وكزبره خضراء  
او اوريجانو و روزماري مجفف  
 معلقه صغيره ببريكا مدخنه او عاديه 
معلقه كبيره خل تفاح او خل ابيض
ربع كوب ماء 
معلقه كبيره سكر بنى او ابيض 
ورق لورا 
نص كوب زيت  
معلقه كبيره صلصه


للرز 
رز بسمتى
بصل 
فلفل الوان
ممكن اضافه دره اصفر  او بسله حسب الرغبه 
صوص البيري بيري 
 

- فى طريقتين لعمل الصوص 
لو هنستخدمه كتتبيله فقط للفراخ هنضرب كل المكونات فى الكبه ماعدا الزيت حتى تصبح ناعمه تماما ثم نضيف ربع كوب زيت ونضرب تانى فى الكبه ونضيف ربع كوب زيت ونقلب ونحتفظ بربع كميه الصوص للرز والباقى نتبل فيه الفراخ 

-اما لو هنستخدمه كتتبيله وكصوص يقدم جنب الفراخ والرز 
بنشوى الفلفل الاحمر الحلو والبصل اما فى الفرن او على طاسه بدون اضافه اى دهون وتضرب فى الكبه ثم نضيف باقى المكونات ماعدا الزيت والليمون ونضرب حتى تصبح ناعمه وبنرجعه على النار مره تانيه  ونقلب لحد ما يصبح صوص سميك نتركه يبرد ويوضع فى الكبه مره اخرى مع الليمون ونضيف الزيت ويضرب مره اخرى ويكون جاهز نقدر نحتفظ بيه فى برطمان لمده اسبوعين 


- بنجهز الفراخ ونرش عليها رشه ملح وفلفل ورشه بسيطه بهار فراخ ونتبلها بصوص البيري بيرى وتترك لساعه وندخلها الفرن حتى تمام السواء 

-وفى طريقه تانيه اننا بندخل الفراخ الفرن بعد تبيلها بالبهارات حتى تمام السواء ونطلعها ندهنها بصوص البيري بيرى وتدخل تحت الشوايه ونطلعها ندهنها بالصوص تانى وتقدم وفى الحاله دى هنعمل الصوص بالطريقه التانيه 

-للرز فى طريقتين 
الطريقه الاولى بيسلق الرز فى ماء ساخن مع رشه ملح ومعلقه زيت لمده ٧ دقائق ونصفيه ونغسله بالماء البارد ( نفس فكره سلق المكرونه ) 
مكانه بنشوح البصل يدوب يطرا وننزل بالفلفل الالوان والدره ونقلب لدقيقتين ونضيف جزء من الصوص ونقلب ثم نضع الرز ونقلب كله مع بعض وندوق الرز لو محتاج نزود من الصوص او لو محتاج ملح وناخذ بالنا لان الصوص بيكون حراق ونزود ربع كوب ماء ساخن ونتركه على نار هاديه ل١٠ دقائق

- الطريقه التانيه هى طريقه الرز العاديه 
بنشوح البصل وننزل عليه بالفلفل والدره وعليهم الصوص ونضع الرز المغسول ونقلب ونضيف الماء الساخن ونتركه يستوى بالطريقه العاديه.