الفراخ بالفريك من الأكلات المشهورة في مصر وكمان في بلاد تانية في الوطن العربي, الأكلة دي تعتبر وجبة متكاملة، لأن الفراخ بتدينا البروتينات والفيتامينات، والفريك مليان ألياف بتساعد الجهاز الهضمي, وكمان الفراخ بالفريك بتكون قليلة السعرات الحرارية، يعني مفيدة لو كنت عايز تخس.

المكونات

- فرخة كاملة متوسطة الحجم

- نصف كيلو فريك

- نصف ملعقة صغيرة كمون

- نصف ملعقة صغيرة قرفة

- ربع ملعقة كزبرة جافة

- ملعقة سمن

- حبتين بصل متوسطين

- 3 فصوص ثوم

- حبتين طماطم متوسطين

- عصير طماطم حسب الحاجة

- ملح وفلفل أسود حسب الرغبة

طريقة التحضير

- اغسلي الفرخة كويس وشيلي منها الزوايد، وبعدين سيبيها تتصفى من الماء الزايد.

- فرمي حبة بصل ناعمة وحطيها في طبق، وابشري الحبة التانية حطيها في طبق تاني، وكمان فرمي الثوم واتركيه جانباً.

- قطعي حبة طماطم مكعبات وابشري الحبة التانية وحطيها جنبك.

- سخني سمنة في حلة على نار متوسطة، وبعدين حطي فيها البصل المفروم مع رشة ملح، وقلبي لغاية ما يذبل.

- ضيفي الفريك للبصل وقلبيهم لغاية ما الفريك يتحمص شوية.

- ضيفي الثوم المفروم، وقلبّي مع الفريك والبصل، وبعدين حطي الملح والفلفل والكمون، ورشة قرفة، والكزبرة الجافة، وقلبيهم كويس.

- ضيفي الطماطم المكعبات وعصير الطماطم، وقلبي كل المكونات مع بعضها، وبعدين حطي ماء وسبّي الفريك لغاية ما يستوي ويتشرب الماء.

- شغّلي الفرن على درجة 200 مئوية.

- في طبق تاني، اخلطي البصل المبشور مع الطماطم المبشورة، وحطي عليهم شوية ملح وفلفل وقرفة.

- تبّلي الفرخة بالخلطة دي من جوه وبره وبين الجلد واللحم، وسبّيها ترتاح ساعتين على الأقل علشان تمتص التتبيلة.

- بعد كده، حشي الفرخة بالفريك من جوه وبره وبين الجلد، وقفّلي الفرخة كويس علشان الحشوة ما تخرجش، ممكن تقفليها بخيط قوي أو بعواد أسنان. لو فيه فريك زيادة، حطيه في الحلة اللي هتطبخي فيها الفرخة.

- حطي الفرخة في الفرن لغاية ما تستوي كويس وتتحمر. ممكن تغلفي الحلة بورق قصدير علشان تنضج بشكل أحسن.

- لما تخرج الفرخة من الفرن، قدميها مع الفريك في طبق التقديم، وزيّنيها بالمكسرات المقلية، وقدمي معاها لبن زبادي وسلطة خضراء.


تابع موقع اجرى نيوز   على صفحة "الفيس بوك "  اضغط هــــــــنا
تابع موقع اجرى نيوز   عبر تطبيق "جوجل نيوز"       اضغط هــــــــنا

تابع موقع اجرى نيوز   على "اليوتيوب" اضغط هــــــــنا
تابع موقع اجرى نيوز  على " واتس اب"  اضغط هــــــــنا
تابع موقع اجرى نيوز  على     " X "         اضغط هــــــــنا
تابع موقع اجرى نيوز  على "إنستجرام"  اضغط هــــــــنا

اجرى نيوز ، موقع إخباري  يقدم أهم الأحداث المحلية والعربية والعالمية وخدمات صحفية محترفة فى الأخبار والاقتصاد والزراعة والعلوم والفنون والرياضة والمنوعات، وهدفنا أن نصل لقرائنا الأعزاء بالخبر الأدق بما يليق بقواعد وقيم الأسرة المصرية.

لذلك نقدم لكم مجموعة كبيرة من الأخبار المتنوعة داخل الأقسام التالية، اخبار مصر، اخبار الزراعة، صناعة الدواجن، الثروة الحيوانية، بنوك  واقتصاد، اجرى لايف، مقالات، منوعات، وخدمات مثل سعر الدولار، سعر الذهب، سعر الفضة، سعر اليورو، سعر العملات الأجنبية، سعر العملات المحلية.