مع اقتراب حلول ذكرى المولد النبوي الشريف، تبدأ الأمهات في تحضير أشهى الأكلات التي تميز هذه المناسبة السعيدة. ومن أشهر الأطباق التقليدية التي يعشقها المصريون هو "الكسكسي"، سواء كان يقدم كوجبة حادقة مع البط أو الفراخ، أو كتحلية لذيذة مع السكر والمكسرات. في هذا المقال، سنتعرف على طريقة عمل الكسكسي المصري بأسلوب بسيط وسهل لتحضير طبق مميز لعائلتك في هذه المناسبة المباركة.

مكونات الكسكسي المصري:

- كيلو دقيق
- كوب كبير ماء
- زبدة أو سمن بلدي
- نصف كوب كبير لبن
- ملعقة صغيرة ملح

الطريقة:

أول حاجة بنجيب طبق كبير وعميق ونحط فيه الدقيق. بعدين نرش عليه المية باستخدام أطراف الأصابع ونبدأ نقلب الدقيق علشان يمتزج مع المية كويس. بعد كده، نفرك الدقيق بإيدينا بشكل مستمر لحد ما الدقيق يشرب كل كمية المية.

نضرب الخليط في الكبة ضربة أو اتنين، وننقله لشاشة قماش كبيرة ونحطها في مصفاة. بعد كده، نجيب حلة كبيرة ونملاها حوالي تلات أربعها مية ونحطها على النار لحد ما تغلي. نحط المصفاة فوق الحلة ونغطيها علشان يدخل البخار للكسكسي، ونسيبه على البخار لمدة ساعة.



بعد كده، نرفعه من على النار ونفركه مرة تانية بعد ما نرش عليه نص كوب لبن ونص كوب مية ونضيف ملعقة الملح. نضربه بالكبة تاني ونحطه في الشاشة ونسيبه على البخار حوالي تلات أربع الساعة. بعدها، نرفعه ونحط عليه قطعة زبدة أو سمنة ونفركه وهو سخن.

التقديم:
كحدق: 

بيتقدم مع الشوربة والبط أو الفراخ.

كحلو: 

ممكن نحط عليه سكر بودرة، أو سكر مع لبن ومكسرات وجوز هند حسب الرغبة.



تابع موقع اجرى نيوز عبر تطبيق (جوجل نيوز) اضغط هــــــــنا

اجرى نيوز ، موقع إخباري  يقدم أهم الأحداث المحلية والعربية والعالمية وخدمات صحفية محترفة في الأخبار والاقتصاد والزراعة والعلوم والفنون والرياضة والمنوعات ، وهدفنا أن نصل لقرائنا الأعزاء بالخبر الأدق بما يليق بقواعد وقيم الأسرة المصرية.

لذلك نقدم لكم مجموعة كبيرة من الأخبار المتنوعة داخل الأقسام التالية، اخبار مصر، اخبار الزراعة، صناعة دواجن، الثروة الحيوانية، بنوك واقتصاد، اجرى لايف، مقالات، منوعات،  وخدمات مثل سعر الدولار، سعر الذهب، سعر الفضة، سعر اليورو، سعر العملات الأجنبية، سعر العملات المحلية.