أ
أ
الفطير المشلتت هو واحد من الأكلات المصرية التقليدية اللي ليها مكانة خاصة في قلوب الناس، مهما تنوعت الأكلات، يبقى للفطير المشلتت سحره الخاص. لكن عشان نضمن سلامة تحضيره وطعمه اللذيذ، هنقدمه ليكم بطريقة سهلة ومضمونة زي اللي بنشتريه من المحلات وأحلى.
مقادير الفطير المشلتت:
1 كيلو دقيق.2 ملعقة كبيرة سكر.
1/2 ملعقة كبيرة ملح.
1/4 ملعقة صغيرة بيكنج باودر.
سمن بلدي لعملية الفرد.
ماء للعجن.
طريقة عمل الفطير المشلتت:
تحضير العجينة:
في وعاء كبير، اخلطي كل المكونات الجافة مع بعض (الدقيق، السكر، الملح، والبيكنج باودر) وقلبيهم كويس.ابدئي بإضافة الماء تدريجيًا للعجين واعجني باستمرار لحد ما تتماسك العجينة وتصبح مرنة.
استمري في العجن لمدة لا تقل عن 15 دقيقة لحد ما العجينة تبقى ناعمة ومطاطة زي اللبانة.
ادهني العجينة بالزيت ولفيها واتركيها ترتاح لمدة ساعتين.
فرد العجينة:
على سطح العمل، ضعي كمية متوسطة من الزيت وابدئي في فرد العجينة يدويًا بدون استخدام "نشابة"، لأنها هتتفرد بسهولة بعد ما ارتاحت.خلال عملية الفرد، ادهني العجينة بالسمنة السايحة على كل جزء منها، وافرديها لحد ما تبقى شفافة.
طبقي العجينة ولفيها على شكل كورة مع التأكد من وضع السمنة بين كل طبقة و التانية.
الراحة والخبز:
غطي العجينة واتركيها ترتاح لمدة نصف ساعة.حضري صينية الفرن وادهنيها بالزيت والسمن، وسخني الفرن على أعلى درجة حرارة من البداية.
ضعي العجينة في الصينية وادخليها الفرن لمدة 10 دقائق بدون فتح الفرن عشان تعلو وتورق.
بعد كده، افتحي الشواية وراقبي الفطير لحد ما يأخذ لون ذهبي جميل.
التقديم:
فور ما تطلعي الفطير من الفرن، رشي عليه ماء فاتر من بعيد وغطيه بفوطة نظيفة وجافة للحفاظ على طراوته.قدمية مع العسل الأسود والطحينة، الجبنة، القريش او القديمة. او حطية عليه سكر بوردة ولبن.
تابع موقع اجرى نيوز عبر تطبيق (جوجل نيوز) اضغط هــــــــنا
اجرى نيوز ، موقع إخباري يقدم أهم الأحداث المحلية والعربية والعالمية وخدمات صحفية محترفة في الأخبار والاقتصاد والزراعة والعلوم والفنون والرياضة والمنوعات ، وهدفنا أن نصل لقرائنا الأعزاء بالخبر الأدق بما يليق بقواعد وقيم الأسرة المصرية.
لذلك نقدم لكم مجموعة كبيرة من الأخبار المتنوعة داخل الأقسام التالية، اخبار مصر، اخبار الزراعة، صناعة الدواجن، الثروة الحيوانية، بنوك واقتصاد، اجرى لايف، مقالات، منوعات، وخدمات مثل سعر الدولار، سعر الذهب، سعر الفضة، سعر اليورو، سعر العملات الأجنبية، سعر العملات المحلية.
