رمضان قرب ومحتارة تعملي حلويات ايه في رمضان, موقع " اجري نيوز " الاخباري هيقولك علي طريقة عمل الجلاش بحشوة السميد والقرفة بابسط واسهل الطرق وانتي في مكانك.

المقادير 

* نصف كيلو جلاش.

* ٢ كوب سميد.

* ذرة ملح.

* ٢ ملعقة كبيرة قرفه.

* نصف كوب زبده مذابه.

* ربع كوب جوز الهند.

* ٢ ملعقه كبيره زبيب.

* ٤ ملاعق كبيرة سكر  بودرة.

* كوب لبن حليب. 

* ربع كوب سوداني مجروش.

الشربات 

* ٢ كوب سكر.

* كوب مياه.

* عصير نصف ليمونه.

* رشة فانيليا. 

طريقة عمل الحشوه

 مقلايه على النار  ٢ملعقة كبيرة من الزبدة.

 نحمص السميد ياخد لون دهبي فاتح.

 نضيف عليه جوز الهند والسكر والسوداني و الملح والزبيب.

اقلب جيدا حتي يكون لون الحشوة بني.

 اضيف اللبن واقلب حتي يشرب السميد اللبن وتتكون عجينه.

 نفرد ورقتين من الجلاش وندهن زبدة.

توضع الحشوة بشكل طولي.

نلف الجلاش رول ويقطع اصابع.

صنيه مدهونه زبدة.

نرص فيها اصابع الجلاش.

ندهن اصابع الجلاش بالزبده.

 ندخلها فرن متسخن مسبقاً على درجة حرارة ١٨٠ على الرف إللي في النصف اول ماتاخد لون من ذهبى من تحت
شغلى الشوايه ثوانى تاخد لون ذهبي من فوق.

اسقيها بالشربات بارد وبس كدا.