تحدثت الفنانة دينا الشربيني خلال حلقتها ببرنامج "كلمة أخيرة" الذي تقدمه الإعلامية لميس الحديدي، عبر شاشة قناة "on" الفضائية، عن أمنيتها في إنجاب الأطفال.

وقالت دينا: "زمان كان نفسي يبقى عندي 6 أولاد دلوقتي مش هلحق، أخري 2 يبقى كويس، لأننا أربع أخوات ثلاث بنات وولد وده خلاني بحب العزوة".

وتابعت دينا: "طول عمرنا كان بيتنا مليان مش بس أنا واخواتي.. البيت كان زحمة قرايبنا وجيرانا وأنا بحب كده".

وردت دينا عن الجدل المثار حول حبيبها الجديد قائلة: "هو شخص مصري، ومن خارج الوسط الفني ومفيش أي حاجه صح إنه إعلامي معروف ومش مصري، دي شائعات وأنا معتادة أني ماردش على الشائعات أصل كل الناس هتقول فيه حاجات بتتكتب مقلتهاش وحاجات بيقولوا اتعملت معملتهاش".

واختتمت دينا قائلة: “أول حرف من اسمه حسين، ويعمل في مجال بيزنس عائلي وخارج الوسط تمامًا، وكان بينا أصدقاء مشتركين وكنا نعرف بعض وبنتقابل وسط أصحابنا في قعدات عادية حتى الارتباط”.