أ
أ
البطاطس من الأكلات اللي كل الناس بتحبها، كبار وصغار، بس المشكلة إن كتير مننا بيفضلها مقلية في الزيت، وده طبعا مش صحي. عشان كده، جربت أغير طريقة عمل البطاطس بشكل مختلف من غير صلصة، بطريقة يحبها الكل، حتى الأطفال.
وعلى فكرة، البطاطس بالأعشاب زي الروزماري او الزعتر طلع طعمها هايل وسهل في التحضير، وأكيد نادراً ما تلاقي حد مش بيحب البطاطس،
وصفة النهارده:
هي (بطاطس بالروزماري)، وصفة لذيذة وخفيفة، واللي بيجربها بيحبها من أول قطعة.فوائد البطاطس والروزماري:
البطاطس معروفة إنها مليانة بروتينات وأحماض أمينية مفيدة للجسم، وكمان بتدي طاقة بسبب سعراتها الحرارية العالية. أما الروزماري أو إكليل الجبل، فده كنز في حد ذاته. هو مش بس بيحسن الذاكرة ويحمي من الزهايمر، لكنه كمان مفيد جداً للشعر، لأنه بيساعد على تنشيط الدورة الدموية في فروة الرأس.
تعالوا نشوف مع بعض إزاي نعمل (بطاطس بالروزمارى) في البيت بطريقة سهلة ولذيذة.
المكونات:
4 حبات بطاطس متوسطة الحجم (أو حسب الرغبة)2 بصل وسط
1 ملعقة كبيرة زيت زيتون
1 ملعقة صغيرة ملح
1/4 ملعقة صغيرة فلفل أسود مطحون (أو كمون حسب الرغبة)
3 عيدان روزماري طازج (أو مجفف)
1 مكعب مرقة (حسب الرغبة)
1/4 ملعقة 7 بهارات
طريقة التحضير:
اغسلي البطاطس وقشريها، وقطعيها مكعبات صغيرة، وحطيها في وعاء مليان مية.حضري الخلطة: قطعي البصل شرائح، واضيفي الروز ماري (لو مجفف يبقى افركيه)، وحطي باقي التوابل وقلبي البصل مع الخلطة كويس.
صفي البطاطس من المية، واضيفيها على الخلطة، وحطي عليهم زيت الزيتون وقلبيهم مع بعض.
حطي الخليط في صينية مناسبة، واضيفي كوب مية، و سويها على نار متوسطة لحد ما البطاطس تشرب المية.
بعدها، دخلي الصينية الفرن على درجة حرارة متوسطة، وكل شوية قلبي البطاطس وأعواد الروزماري عشان تاخد لون الذهبي من كل الجوانب وتاخد طعم الروزماري.
وقدميها مع الرز البيض المصري، وفراخ الشيش المشوي علي الجريل مع السلطة،
تابع موقع اجرى نيوز عبر تطبيق (جوجل نيوز) اضغط هــــــــنا
اجرى نيوز ، موقع إخباري يقدم أهم الأحداث المحلية والعربية والعالمية وخدمات صحفية محترفة في الأخبار والاقتصاد والزراعة والعلوم والفنون والرياضة والمنوعات، وهدفنا أن نصل لقرائنا الأعزاء بالخبر الأدق بما يليق بقواعد وقيم الأسرة المصرية.
لذلك نقدم لكم مجموعة كبيرة من الأخبار المتنوعة داخل الأقسام التالية، اخبار مصر، اخبار الزراعة، صناعة الدواجن، الثروة الحيوانية، بنوك واقتصاد، اجرى لايف، مقالات، منوعات، وخدمات مثل سعر الدولار، سعر الذهب، سعر الفضة، سعر اليورو، سعر العملات الأجنبية، سعر العملات المحلية.
